• ഈ വർഷത്തെ തിരുവോണം ബമ്പർ ഭാഗ്യക്കുറി ഫലം നറുക്കെടുത്തു. തിരുവോണം ബമ്പർ
ബിആർ-105 നറുക്കെടുപ്പിൽ 25 കോടിയുടെ ഒന്നാം സമ്മാനം ലഭിച്ചത് TH 577825
എന്ന ടിക്കറ്റിനാണ്.
• വെസ്റ്റ് ഇൻഡീസിനെതിരായ ഒന്നാം ടെസ്റ്റിൽ ഇന്ത്യക്ക്‌ ഉജ്വല വിജയം. ഒരു ഇന്നിങ്സിനും 140 റൺസിനുമാണ് ആതിഥേയർ വിൻഡീസിനെ തോൽപ്പിച്ചത്.
• ആധാർ കാർഡിന്റെ നിർബന്ധിത പുതുക്കലിന്‌ ചുമത്തിയിരുന്ന ഫീസ്‌ ഒരു വർഷത്തേക്ക്‌ ഇ‍ൗടാക്കേണ്ടെന്ന്‌ സവിശേഷ തിരിച്ചറിയൽ അതോറിറ്റി തീരുമാനിച്ചു.
• കേരളത്തോടുള്ള അനീതിയും അവഗണയും അവസാനിപ്പിച്ച് മുണ്ടക്കൈ-ചൂരൽമല
ദുരന്തത്തിൽ അർഹമായ സഹായം അനുവദിക്കാൻ കേന്ദ്ര സർക്കാർ തയ്യാറാകണമെന്ന്
മുഖ്യമന്ത്രി പിണറായി വിജയൻ.
• ജപ്പാന്റെ മുൻ സാമ്പത്തിക സുരക്ഷാ മന്ത്രി സനായി ടാകൈച്ചി, ഭരണകക്ഷിയായ
ലിബറൽ ഡെമോക്രാറ്റിക് പാർട്ടിയുടെ പുതിയ നേതാവായി
തിരഞ്ഞെടുക്കപ്പെട്ടു. ഇതോടെ, സനായി ടാകൈച്ചി ജപ്പാന്റെ ചരിത്രത്തിലെ ആദ്യ
വനിതാ പ്രധാനമന്ത്രിയാകാനുള്ള സാധ്യത ഉയര്‍ന്നിരിക്കുകയാണ്.
• കോള്‍ഡ്രിഫ് (Coldrif) സിറപ്പിന്റെ വില്‍പ്പന കേരളത്തിൽ പൂർണമായി
നിർത്തിവെച്ചതായി ആരോഗ്യ വകുപ്പ് മന്ത്രി വീണാ ജോർജ് അറിയിച്ചു.
സിറപ്പിന്റെ എസ് ആര്‍ 13 ബാച്ചിൽ പ്രശ്നങ്ങളുണ്ടെന്ന് കേരളത്തിന്
പുറത്തുനിന്നുള്ള റിപ്പോർട്ടുകളെ തുടർന്നാണ് ഈ നടപടി.
• ബിജെപി സര്‍ക്കാരിന്റെ ബുള്‍ഡോസര്‍ രാജിനെതിരെ വീണ്ടും
കടുത്തവിമര്‍ശനവുമായി സുപ്രീംകോടതി ചീഫ് ജസ്റ്റിസ്. രാജ്യത്തെ നിയമവ്യവസ്ഥ
നിയന്ത്രിക്കുന്ന ബുള്‍ഡോസര്‍ ഭരണമല്ല, നിയമവാഴ‍്ചയാണെന്ന് ചീഫ് ജസ്റ്റിസ്
ബി ആര്‍ ഗവായ് പറഞ്ഞു.
• ബ്രിട്ടീഷ് പ്രധാനമന്ത്രി കെയർ സ്റ്റാർമർ ഒക്ടോബർ 8, 9 തീയതികളിൽ ഇന്ത്യ
സന്ദർശിക്കും. പ്രധാനമന്ത്രി നരേന്ദ്രമോഡിയുടെ ക്ഷണം സ്വീകരിച്ചാണ്
അദ്ദേഹത്തിന്റെ സന്ദർശനം.
• ഉല്പന്നം ലഭിക്കുമ്പോള്‍ മാത്രം പണം നല്‍കുന്ന സംവിധാനത്തില്‍
ഉപഭോക്താക്കളില്‍ നിന്നും വളഞ്ഞ വഴിയില്‍ കൊള്ള ചെയ്യുന്ന ഇ കൊമേഴ്‌സ്
കമ്പനികള്‍ക്കെതിരെ നടപടിയുമായി കേന്ദ്രം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.