വണ്ടൂർ: മലപ്പുറം വടക്കുംപാടം കുതിരപ്പുഴയിൽ കാണാതായ യുവാവിൻ്റെ മൃതദേഹം കണ്ടെടുത്തു. ഞായറാഴ്ച വൈകുന്നേരമാണ് കുതിരപ്പുഴയുടെ വടക്കുംപാടം ഭാഗത്തുവെച്ച് വടക്കുംപാടം സ്വദേശി കൈപ്പള്ളി ഹരീഷിനെ (39) കുളിക്കുന്നതിനിടയിൽ പുഴയിൽ കാണാതായത്. 2 ദിവസം നീണ്ടുനിന്ന രാപ്പകൽ തിരച്ചിലിനൊടുവിൽ ചൊവ്വാഴ്ച രാവിലെ മൃതദേഹം 4 കിലോമീറ്റർ താഴെ കുതിരപ്പുഴയുടെ വള്ളിക്കെട്ട് ഭാഗത്തുനിന്നും എമർജൻസി റെസ്ക്യു ഫോഴ്സ് കണ്ടെടുത്തു. കഴിഞ്ഞ രാത്രി മുഴുവൻ ഇആർഎഫ് പ്രവർത്തകർ തിരഞ്ഞെങ്കിലും കണ്ടെത്തുവാൻ സാധിച്ചിരുന്നില്ല. രാവിലെ വീണ്ടും തിരിച്ചിൽ നടത്തുന്നതിനിടയിലാണ് മൃതദേഹം കണ്ടെത്തിയത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.