തലശ്ശേരി: തലശ്ശേരി - തൊട്ടിൽപാലം റൂട്ടിലെ ബസ് കണ്ടക്ടർക്ക് മർദ്ദനമേറ്റ സംഭവത്തെ തുടർന്ന് ഇന്ന് ജില്ലയിലെ വിവിധ റൂട്ടുകളിൽ നടത്തിവന്ന സ്വകാര്യ ബസ് തൊഴിലാളികളുടെ പണിമുടക്ക് പിൻവലിച്ചു. ബസ് തൊഴിലാളികൾ, സംയുക്ത തൊഴിലാളി യൂണിയൻ, ബസ് ഉടമകൾ എന്നിവർ തലശ്ശേരി എ.സി.പിയുടെ സാന്നിധ്യത്തിൽ നടത്തിയ ചർച്ചയിലാണ് പണിമുടക്ക് പിൻവലിച്ചത്.
ബുധനാഴ്ച പെരിങ്ങത്തൂരിൽ വച്ച് സ്വകാര്യ ബസ് കണ്ടക്ടറെ മർദ്ദിച്ച സംഭവത്തിൽ മുഴുവൻ പ്രതികളെയും അറസ്‌റ്റു ചെയ്യാത്തതിൽ പ്രതിഷേധിച്ചാണ് ഇന്ന് രാവിലെ മുതൽ തലശ്ശേരി വഴി സർവീസ് നടത്തുന്ന സ്വകാര്യ ബസ് തൊഴിലാളികൾ സർവീസ് നിർത്തിവെച്ച് പ്രതിഷേധം തുടങ്ങിയത്.
തലശ്ശേരി ബസ് സ്‌റ്റാൻ്റ് വഴി സർവീസ് നടത്തുന്ന കണ്ണൂർ ജില്ലയിലെ മുഴുവൻ സ്വകാര്യ ബസുകളും ഇന്ന് രാവിലെ മുതൽ പണിമുടക്കിയിരുന്നു. തൊട്ടിൽപ്പാലം-തലശ്ശേരി റൂട്ടിലെ സ്വകാര്യ ബസ് തൊഴിലാളികളുടെപണിമുക്ക് ഇന്ന് മൂന്നാം ദിവസത്തിലേക്ക് കടന്നിരുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.