ലോകം മുഴുവനും ഉള്ള ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ടുകളുടെ അസോസിയേഷൻ ആയ സിലക്ടിന്‍റെ (CILECT) ഇൻറർനാഷണൽ ഫിലിം അവാർഡിൽ തിളങ്ങി കെ ആർ നാരായണൻ ഫിലിം ഇൻസ്റ്റിറ്റ്യൂട്ടിലെ വിദ്യാർഥികൾ. ‘CILECT Prize 2025’ ഏഷ്യാ പസഫിക് റീജിയണിലെ മികച്ച ഡോക്യുമെൻററി ആയി കെ ആർ നാരായണൻ നാഷണൽ ഇൻസ്റ്റിറ്റ്യൂട്ട് ഓഫ് വിഷ്വൽ സയൻസ് ആൻഡ് ആർട്സിലെ ശ്രുതിൽ മാത്യു സംവിധാനം ചെയ്ത ‘ദിനോസറിന്റെ മുട്ട’ തെരഞ്ഞെടുക്കപ്പെട്ടു.
സിലക്ട് (CILECT) എന്നത് ഇന്റർനാഷണൽ അസോസിയേഷൻ ഓഫ് ഫിലിം ആൻഡ് ടെലിവിഷൻ സ്കൂൾസ് എന്നർത്ഥമുള്ള ഫ്രഞ്ച് സംഘടനയാണ്. ഇത് ലോകമെമ്പാടുമുള്ള പ്രമുഖ സിനിമ ‑ ടെലിവിഷൻ ‑ ഇലക്ട്രോണിക് മീഡിയ വിദ്യാലയങ്ങളെ ബന്ധിപ്പിച്ച് വിദ്യാഭ്യാസം മെച്ചപ്പെടുത്താനും, ആശയങ്ങൾ പങ്കുവെക്കാനും, സഹകരണവും ഊർജ്ജസ്വലമായ നവീനതയും പ്രോത്സാഹിപ്പിക്കുന്ന ഒരു വേദിയാണ്.
2025-ൽ, 64 രാജ്യങ്ങളിൽ പടർന്നിരിക്കുന്ന 186 സ്കൂളുകൾ ഇതിൽ ചേരുന്നു. ഏതാണ്ട് 11,000 അധ്യാപകരും, 90,000 വിദ്യാർത്ഥികളും, 16 ലക്ഷം+ അലുമിനികളുടെ നെറ്റ്‌വർക്ക് എന്നിവയും ഇവിടെയുണ്ട്. ഏഷ്യാ പസഫിക് റീജിയണിലെ (CAPA) 34 ഫിലിം ഇൻസ്റ്റിറ്റ്യൂട്ടുകളിലെ വിദ്യാർഥികളുടെ ചിത്രങ്ങളിൽ നിന്നാണ് ‘ദിനോസറിന്റെ മുട്ട’ മികച്ച ഡോക്യുമെൻററി ആയി തെരഞ്ഞെടുക്കപ്പെട്ടത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.