തിരുവനന്തപുരം: തിരക്ക് പിടിച്ച് തീരുമാനിച്ച യാത്രയാണോ? എങ്കിൽ യാത്ര വന്ദേഭാരതിലാവാം.ദക്ഷിണ റെയിൽവേയുടെ കീഴിലുള്ള വന്ദേ ഭാരത് എക്സ്പ്രസിൽ 15 മിനിറ്റ് മുമ്പ് വരെ ടിക്കറ്റ് ബുക്ക് ചെയ്യാം. ട്രെയിൻ പുറപ്പെടുന്നതിനോ സ്റ്റേഷനുകളിൽ എത്തുന്നതിനോ മുമ്പായി നിലവിലെ റിസർവേഷനുകൾ അനുവദനീയമാണ്. റിസർവേഷൻ സമയം വ്യാഴാഴ്ച പരിഷ്കരിച്ചു.
മംഗളൂരു സെൻട്രൽ- തിരുവനന്തപുരം സെൻട്രൽ വന്ദേ ഭാരത് (20631), തിരുവനന്തപുരം സെൻട്രൽ- മംഗളൂരു സെൻട്രൽ വന്ദേ ഭാരത് (20632), ചെന്നൈ എഗ്മോർ- നാഗർകോവിൽ വന്ദേ ഭാരത് (20627), നാഗർകോവിൽ- ചെന്നൈ എഗ്മോർ വന്ദേ ഭാരത് (20628), കോയമ്പത്തൂർ- ബെംഗളൂരു കന്റോൺമെന്റ് വന്ദേ ഭാരത് (20642), മംഗളൂരു സെൻട്രൽ- മഡ്ഗാവ് വന്ദേ ഭാരത് (20646), മധുര- ബെംഗളൂരു കൺട്രോൾമെന്റ് വന്ദേ ഭാരത് (20671), ചെന്നൈ സെൻട്രൽ- വിജയവാഡ വന്ദേ ഭാരത് (20677) എന്നിവയിലേക്ക് ടിക്കറ്റുകൾ വാങ്ങാം. എന്നിരുന്നാലും, മിക്ക ദിവസങ്ങളിലും കേരളത്തിൽ ഓടുന്ന ട്രെയിനുകളിൽ സീറ്റുകൾ ലഭ്യമല്ല.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.