എഐ ക്യാമറ ‘പറ്റിച്ചു’; 350 പേർക്ക് പിഴ, അടയ്ക്കേണ്ടത് 7500 രൂപമുതൽ 40,000 രൂപവരെ...#aicamera

 

കുമ്പള: എഐ ക്യാമറ പ്രവർത്തിക്കുന്നില്ലെന്ന് കരുതി നിയമം ലംഘിച്ച് യാത്രചെയ്തവർ കുടുങ്ങി. കുമ്പളയിൽ 350 പേർക്ക് 7,500 രൂപ മുതൽ 40,000 രൂപ വരെ പിഴയടയ്ക്കാൻ മോട്ടോർവാഹന വകുപ്പിന്റെ നോട്ടീസ് കിട്ടി. 2023 ജനുവരി മുതൽ 2025 മേയ് 31 വരെയുള്ള കാലയളവിലാണിത്.

കുമ്പള-മുള്ളേരിയ കെഎസ്ടിപി റോഡിലൂടെ ഹെൽമെറ്റ്‌ ധരിക്കാതെയും സീറ്റ് ബെൽറ്റിടാതെയും വാഹനമോടിച്ചവർക്കാണ് പണികിട്ടിയത്. ക്യാമറ പ്രവർത്തനക്ഷമമായിട്ടില്ലെന്ന് കുമ്പളയിലും പരിസരപ്രദേശങ്ങളിലും പ്രചാരണമാണ് ഇവരെ കുടുക്കിയത്.

പരാതിയുള്ളവർക്ക് അപേക്ഷ നൽകി പിഴത്തുകയുടെ കൃത്യത പരിശോധിക്കാമെന്നാണ് മോട്ടോർവാഹന വകുപ്പ് അധികൃതരുടെ നിലപാട്.