• വീണ്ടും യുദ്ധഭീതിയിലേക്ക് നീങ്ങി പശ്ചിമേഷ്യ. ഇറാന് നേരെ വീണ്ടും ഇസ്രായേൽ
ആക്രമണം ആരംഭിച്ചു. തലസ്ഥാനമായ ടെഹ്റാനിലടക്കം സ്ഫോടന ശബ്ദങ്ങൾ
കേൾക്കുന്നതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.
• മുണ്ടക്കൈ – ചൂരൽമല ദുരന്തബാധിതരുടെ ബാങ്ക് വായ്പ എഴുതിതള്ളാനാവില്ലെന്ന കേന്ദ്ര നിലപാടിനെ രൂക്ഷമായി വിമർശിച്ച് ഹൈക്കോടതി.
• ഉത്തരേന്ത്യൻ സംസ്ഥാനങ്ങളിൽ താപനില ഉയർന്നതോടെ സൂര്യപ്രകാശം നേരിട്ട് ഏൽക്കുന്നത് ഒഴിവാക്കണം എന്നത് ഉൾപ്പടെ ജാഗ്രത നിർദ്ദേശങ്ങൾ നൽകി
കേന്ദ്ര കാലാവസ്ഥ നിരീക്ഷണ കേന്ദ്രം.
• അഹമ്മദാബാദ് വിമാന ദുരന്തത്തിന്റെ പശ്ചാത്തലത്തില്‍ ബോയിങ് ഡ്രീംലൈന്‍
വിമാനങ്ങളുടെ സേവനം അവസാനിപ്പിക്കാന്‍ കേന്ദ്ര സര്‍ക്കാര്‍ നീക്കം.
ഡ്രീംലൈന്‍ വിമാനങ്ങളുടെ സുരക്ഷാ പരിശോധന കര്‍ക്കശമാക്കാന്‍ ഡയറക്ടര്‍
ജനറല്‍ ഓഫ് സിവില്‍ ഏവിയേഷന്‍ ഉത്തരവിറക്കി.
• കെനിയ ബസ് അപകടത്തില്‍ മരിച്ച അഞ്ച് പേരുടെയും മൃതദേഹം ഇന്ന് നാട്ടില്‍
എത്തിക്കും. നെടുമ്പാശേരി വിമാനത്താവളത്തില്‍ വൈകിട്ടോടെയായിരിക്കും
എത്തിക്കുന്നത്. ശേഷം ബന്ധുകള്‍ക്ക് വിട്ട് നല്‍കും.
• അഹമ്മദാബാദില്‍ എയര്‍ ഇന്ത്യ വിമാനാപകടത്തില്‍ തിരുവല്ല സ്വദേശിനിയായ
നഴ്‌സ് രഞ്ജിതയെ അധിക്ഷേപിച്ച് ഫേസ്ബുക്ക് പോസ്റ്റിട്ട ഡെപ്യൂട്ടി
തഹസില്‍ദാര്‍ അറസ്റ്റില്‍. വെള്ളരിക്കുണ്ട് താലൂക്ക് ഡെപ്യൂട്ടി
തഹസില്‍ദാര്‍ എ പവിത്രനെതിരെയാണ് നടപടി.
• അഹമ്മദാബാദിലെ വിമാന അപകടത്തിന് കാരണം പക്ഷികള്‍ വിമാനത്തില്‍ ഇടിച്ചതല്ലെന്ന് ഡിജിസിഎയുടെ പ്രാഥമിക നിഗമനം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.