പാക് റേഞ്ചർ ബിഎസ്എഫ് കസ്റ്റഡിയിലാണെന്ന് പാകിസ്ഥാൻ സ്ഥിരീകരിച്ചു..#latestnews

 

പാക് റേഞ്ചറെ ബിഎസ്എഫ് കസ്റ്റഡിയിലെടുത്തതായി പാകിസ്ഥാൻ സ്ഥിരീകരിച്ചു. ബഹാവൽനഗറിലെ ഡോംഗ ബോംഗ-സുഖൻവാല ചെക്ക്‌പോസ്റ്റിനു സമീപത്തു നിന്നാണ് ഇന്ത്യ പാക് റേഞ്ചറെ പിടികൂടിയതെന്ന് പാകിസ്ഥാൻ അറിയിച്ചു. പാക് അതിർത്തിക്കുള്ളിൽ നിന്നാണ് ഇയാളെ പിടികൂടിയതെന്നാണ് പാക് സർക്കാരിന്റെ ന്യായീകരണം. പാക് മാധ്യമങ്ങൾക്ക് നൽകിയ വാർത്താക്കുറിപ്പിലാണ് ഇക്കാര്യം സ്ഥിരീകരിച്ചത്.

ബിഎസ്എഫ് കോൺസ്റ്റബിൾ ഒരു ആഴ്ചയിലേറെയായി പാക് കസ്റ്റഡിയിലിരിക്കെ പാക് ജവാനെ പിടികൂടി. പിടികൂടിയ പാക് റേഞ്ചറെ ബിഎസ്എഫ് ചോദ്യം ചെയ്തുവരികയാണ്. അബദ്ധത്തിൽ അതിർത്തി കടന്ന് പാകിസ്ഥാനിലേക്ക് കടന്ന ബിഎസ്എഫ് കോൺസ്റ്റബിൾ പൂർണം കുമാർ ഷായെ കസ്റ്റഡിയിലെടുത്തു. സുരക്ഷിതമായി മോചിപ്പിക്കുന്നത് സംബന്ധിച്ച് എട്ട് ദിവസത്തിലേറെയായി നിരവധി റൗണ്ട് ചർച്ചകൾ നടന്നെങ്കിലും ഇതുവരെ ഫലമൊന്നുമുണ്ടായിട്ടില്ല.