ബൈസന്‍ വാലിയില്‍ ടൂറിസ്റ്റ് ബസ്സ്‌ മറിഞ്ഞ് അപകടം.#accident

 

 രാജകുമാരി: ബൈസൺ വാലി കോമാളിക്കുടിക്ക് സമീപം വിനോദസഞ്ചാരികളുമായി പോയ ടൂറിസ്റ്റ് ബസ് അപകടത്തിൽപ്പെട്ടു. കർണാടക സ്വദേശികളായ 19 യാത്രക്കാർക്ക് പരിക്കേറ്റു. ആർക്കും ഗുരുതരമല്ല. കർണാടകയിലെ മംഗളൂരുവിലുള്ള ഗ്രീൻ സിറ്റി ഇന്റർനാഷണൽ സ്കൂളിലെ ജീവനക്കാരുമായി പോയ ബസ് ഇന്നലെ ഉച്ചയ്ക്ക് കോമാളിക്കുടിക്ക് സമീപം അപകടത്തിൽപ്പെട്ടു. താഴേക്ക് ഇറങ്ങുന്നതിനിടെ ബസ് നിയന്ത്രണം നഷ്ടപ്പെട്ട് ഒരു കുഴിയിലേക്ക് മറിഞ്ഞു. ബസ് മണ്ണിലും മരങ്ങളിലും ഇടിച്ചതിനാൽ വലിയൊരു ദുരന്തം ഒഴിവായി.

തിങ്കളാഴ്ച കർണാടകയിൽ നിന്ന് പുറപ്പെട്ട 30 പേരടങ്ങുന്ന സംഘം. തമിഴ്‌നാട്ടിലെ വിവിധ വിനോദസഞ്ചാര കേന്ദ്രങ്ങൾ സന്ദർശിച്ച ശേഷം ഇന്നലെ മൂന്നാറിലേക്ക് മടങ്ങുന്നതിനിടെയായിരുന്നു അപകടം. ശാന്തി (31), മന്നാന (26), വേദ്രാവു (40), ശങ്കിപാൽ (62), പാർവതി (45), നാഗരാജ് (31), ഹർഷിദ (28), ഗംഗാഭവാനി (34), സ്വാതി (37), സുഷമ (29), ശ്വേത (20), രാജലക്ഷ്മി (20), ഗജലക്ഷ്മി (22), പാ. കർണാടക മാലൂർ കോലാർ സ്വദേശികളായ വെങ്കേഷ് (26), രാജേഷ് (34) എന്നിവർക്കാണ് അപകടത്തിൽ പരിക്കേറ്റത്. ഇവരെ അടിമാലി താലൂക്ക് ആശുപത്രിയിൽ പ്രവേശിപ്പിച്ചു.