.png){kind=tracking}
.png){kind=tracking}
• പാകിസ്ഥാന്റെ ആണവ ഭീഷണി ഇന്ത്യക്കുമേല്‍ വിലപ്പോകില്ലെന്ന് പ്രധാനമന്ത്രി
നരേന്ദ്ര മോഡി. തീവ്രവാദികളെയും അവര്‍ക്ക് പിന്തുണ നല്‍കുന്നവരുടെയും
വേരറുക്കല്‍ ഇന്ത്യന്‍ നയമാണെന്നും രാഷ്ട്രത്തെ അഭിസംബോധന ചെയ്ത് നടത്തിയ
പ്രസംഗത്തില്‍ പ്രധാനമന്ത്രി പറഞ്ഞു.
• മുണ്ടക്കൈ, ചൂരൽമല ഉരുൾപൊട്ടൽ ദുരന്ത ബാധിതരുടെ പുനരധിവാസം സമയബന്ധിതമായി
പൂർത്തിയാക്കും. താമസത്തിനുള്ള മാസ വാടക തുക അടിയന്തിരമായി ലഭ്യമാക്കാനും
മുഖ്യമന്ത്രി പിണറായി വിജയൻ നിർദ്ദേശം നൽകി.
• ഇന്ത്യൻ ക്രിക്കറ്റ് താരം വിരാട് കോഹ്ലി ടെസ്റ്റിൽ നിന്നും വിരമിച്ചു.
സാമൂഹിക മാധ്യമങ്ങളില്‍ പങ്കുവെച്ച പോസ്റ്റിലൂടെ വിരമിക്കൽ തീരുമാനം താരം
അറിയിച്ചത്.
• സംസ്ഥാനത്തെ ത്രിതല പഞ്ചായത്തുകള്‍ക്കും നഗരസഭകള്‍ക്കുമായി 213.43 കോടി
രൂപകൂടി അനുവദിച്ചതായി ധനകാര്യ മന്ത്രി കെ എന്‍ ബാലഗോപാല്‍ അറിയിച്ചു.
• മലപ്പുറം ജില്ലയിൽ നിപാ ബാധിച്ച രോഗിയുടെ സമ്പർക്കപ്പട്ടികയിൽ
ഉൾപ്പെട്ട 2 പേരുടെ പരിശോധനാ ഫലം കൂടി നെഗറ്റീവായതായി ആരോഗ്യ മന്ത്രി വീണാ
ജോർജ്. ഇതോടെ 49 പേരുടെ പരിശോധനാ ഫലം നെഗറ്റീവായി.
• ഇന്ത്യയും കുവൈത്തും തമ്മിലുള്ള ബന്ധം ബലപ്പെടുത്താനായി ഇരു
രാജ്യങ്ങളും ചേർന്ന് രൂപപ്പെടുത്തിയ സംയുക്ത സഹകരണ സമിതി ഔദ്യോഗികമായി
നിലവിൽ വന്നു.
• മാധ്യമങ്ങൾ സത്യവും സമാധാനവും ഉറപ്പാക്കാനായി പ്രവർത്തിക്കണമെന്നും
ഭാഷയിൽ മിതത്വം പാലിക്കണമെന്നും അഭ്യർഥിച്ച്‌ ലിയോ പതിനാലാമൻ മാർപാപ്പ.
• രാജ്യത്ത് നിർമ്മിക്കുന്ന അലോപ്പതി മരുന്നുകൾക്ക് ഗുണനിലവാരമില്ലെന്ന്
കണ്ടെത്തിയാലും കർശന നടപടികളില്ലാത്തതിനെതിരെ സ്വരം കടുപ്പിച്ച് ഡ്രഗ്സ്
ടെക്നിക്കൽ അഡ്വൈസറി ബോർഡ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.