ക്രമസമാധാന ചുമതലയുള്ള പുതിയ എഡിജിപിയായി എച്ച് വെങ്കിടേഷ് ഐപിഎസിനെ നിയമിച്ചു. നിലവിൽ ക്രൈംബ്രാഞ്ച് എഡിജിപിയാണ് എച്ച് വെങ്കിടേഷ്. മനോജ് എബ്രഹാം ഫയർഫോഴ്‌സ് മേധാവിയായതിനെത്തുടർന്നുണ്ടായ ഒഴിവിലേക്കാണ് നിയമനം.
എച്ച് വെങ്കിടേഷ് ഐപിഎസിനെ ക്രമസമാധാന ചുമതലയുള്ള പുതിയ എഡിജിപിയാക്കി സർക്കാർ ഉത്തരവ് പുറപ്പെടുവിച്ചു. ഡിജിപി റാങ്കിലേക്ക് സ്ഥാനക്കയറ്റം ലഭിച്ച മനോജ് എബ്രഹാമിനെ ഫയർ ആൻഡ് റെസ്‌ക്യൂ മേധാവിയായി നിയമിച്ചു.
എഡിജിപി എംആർ അജിത് കുമാറിന് പകരക്കാരനായാണ് മനോജ് എബ്രഹാമിന് ക്രമസമാധാന ചുമതല നൽകിയത്. കഴിഞ്ഞ ദിവസം മനോജ് എബ്രഹാമിനെ ക്രമസമാധാന ചുമതലയിൽ നിന്ന് മാറ്റി ഡിജിപി റാങ്കിലേക്ക് സ്ഥാനക്കയറ്റം നൽകി ഫയർഫോഴ്‌സ് മേധാവിയായി നിയമിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.