പാലക്കാട് സൂര്യാതപമേറ്റ് വീണ്ടും മരണം. പാലക്കാട് ഇലപ്പിള്ളി സ്വദേശി ലക്ഷ്മിയാണ് മരിച്ചത്. കനാലിൽ ലക്ഷ്മിയെ മരിച്ച നിലയിൽ കണ്ടെത്തി. സൂര്യാഘാതമാണ് മരണകാരണമെന്ന് പോസ്റ്റ്മോർട്ടം റിപ്പോർട്ടിൽ വ്യക്തമായിരുന്നു.പാലക്കാട് ജില്ല കത്തുകയാണ്. ജില്ലയിൽ ഉഷ്ണതരംഗം സ്ഥിരീകരിച്ചു. ആളുകളോട് ജാഗ്രത പാലിക്കണമെന്ന നിർദേശം വന്ന പശ്ചാത്തലത്തിലാണ് 90 വയസുള്ള ലക്ഷ്മി അമ്മയെ മരിച്ച നിലയിൽ കണ്ടെത്തുന്നത് .കഴിഞ്ഞ ദിവസം രണ്ട് പേരാണ് സൂര്യഘാതം കാരണം മരിച്ചത് . ഇവരിൽ ഒരാൾ നിർജലീകരണം മൂലം മരിച്ചു. ജില്ലയിൽ കനത്ത ചൂട് തുടരുന്ന സാഹചര്യത്തിൽ അതീവ ജാഗ്രത പാലിക്കാൻ ജില്ലാ ഭരണകൂടവും ആരോഗ്യ വകുപ്പും നിർദേശം നൽകിക്കഴിഞ്ഞു. ജില്ലയിൽ ഏതാനും ദിവസങ്ങൾ കൂടി സമാനമായ ഈ അവസ്ഥ തുടരുമെന്ന് കാലാവസ്ഥാ വിദഗ്ധർ അറിയിക്കുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.