ഉത്തരാഖണ്ഡിലെ ജോഷിമഠ് നഗരത്തിൽ ഭൂമിയും വീടുകളും വിള്ളലും തകർച്ചയും തുടരുന്നു. ജോഷിമഠത്തിൽ 561 വീടുകളിൽ വിള്ളലുകൾ കണ്ടെത്തി 66 കുടുംബങ്ങളെ മാറ്റിപ്പാർപ്പിച്ചു.
ചമോലി ജില്ലയിലെ ജോഷിമത്ത് നഗരത്തിലെ ഒമ്പത് വാർഡുകളിൽ മണ്ണിടിച്ചിലുകളും വീടുകൾക്ക് വിള്ളലുകളും രൂക്ഷമാണ്. വീടുകളുടെ ചുമരുകളിലും തറകളിലും റോഡുകളിലും വൻ വിള്ളലുകൾ രൂപപ്പെട്ടിട്ടുണ്ട്.
അത് അനുദിനം വലുതായിക്കൊണ്ടിരിക്കുകയാണ്. നഗരത്തിൽ 576 വീടുകൾ അപകടാവസ്ഥയിലാണ്. മൂവായിരത്തോളം പേരെയാണ് പ്രശ്‌നം ബാധിച്ചിരിക്കുന്നത്.
ഭൂഗർഭജലം പുറത്തേക്ക് ഒഴുകുന്ന സംഭവങ്ങളും പലയിടത്തും റിപ്പോർട്ട് ചെയ്യപ്പെട്ടിട്ടുണ്ട്. വെള്ളം ഒഴുകിയെത്തിയ പലയിടത്തും ഗതാഗതവും തടസ്സപ്പെട്ടിട്ടുണ്ട്. കടുത്ത ശൈത്യത്തോടൊപ്പം വീടുകൾ അപകടാവസ്ഥയിലായതോടെ ജനങ്ങൾ ഏറെ ബുദ്ധിമുട്ടുകയാണ്.
പോസ്റ്റുകള്
