മൂന്ന് വയസുകാരിയെ ക്രൂരമായി കൊലപ്പെടുത്തിയ കേസിൽ അമ്മയും കാമുകനും അറസ്റ്റിൽ. മകളെ കഴുത്ത് ഞെരിച്ച് കൊലപ്പെടുത്തിയ ശേഷം അമ്മ കുട്ടിയുടെ മൃതദേഹം ബെഡ് ഷീറ്റിൽ പൊതിഞ്ഞ് ഓടുന്ന ട്രെയിനിൽ നിന്ന് പുറത്തേക്കെറിയുകയായിരുന്നു. രാജസ്ഥാനിലെ ശ്രീഗംഗാനഗർ ജില്ലയിൽ ഇന്നലെ രാത്രിയാണ് സംഭവം.
പരസ്യം
മരിച്ച കുട്ടിയുടെ അമ്മ സുനിതയും കാമുകൻ സണ്ണിയുമാണ് അറസ്റ്റിലായത്. കുഞ്ഞിന്റെ മൃതദേഹം റെയിൽവേ ട്രാക്കിൽ കണ്ടെത്തിയതിനെ തുടർന്ന് നടത്തിയ അന്വേഷണത്തിൽ പ്രതി സ്വന്തം അമ്മയാണെന്ന് കണ്ടെത്തി. കസ്റ്റഡിയിലെടുത്ത് ചോദ്യം ചെയ്തപ്പോഴാണ് സുനിത കുറ്റം സമ്മതിച്ചത്.
സുനിത മൂന്ന് വയസ്സുള്ള മകൾ കിരണിനെ കഴുത്ത് ഞെരിച്ച് കൊലപ്പെടുത്തിയ ശേഷം സണ്ണിയുടെ സഹായത്തോടെ മൃതദേഹം ബെഡ് ഷീറ്റുകൊണ്ട് പൊതിഞ്ഞു. തുടർന്ന് ശ്രീഗംഗാനഗർ റെയിൽവേ സ്റ്റേഷനിൽ നിന്ന് ട്രെയിനിൽ കയറിയ ശേഷം മൃതദേഹം ആരും കാണാതെ വലിച്ചെറിയുകയായിരുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.