ഗവൺമെന്റ് പ്ലീഡർ നിയമനവുമായി ബന്ധപ്പെട്ട് മുഖ്യമന്ത്രി വി ഡി സതീശനും കെഎസ്യുവും തമ്മിലുള്ള ഭിന്നത പുതിയ തലത്തിലേക്ക് കടക്കുകയാണ്. സജീവ ആർഎസ്എസ് പ്രവർത്തകനായ ഡി എസ് ശരത്തിനെ സീനിയർ ഗവൺമെന്റ് പ്ലീഡറായി നിയമിച്ചതിനെച്ചൊല്ലിയാണ് കെഎസ്യു കടുത്ത എതിർപ്പുമായി രംഗത്തെത്തിയത്. മുഖ്യമന്ത്രി വി ഡി സതീശന്റെ ശുപാർശക്കത്തിന്റെ അടിസ്ഥാനത്തിലാണ് ശരത്തിനെ പ്ലീഡറായി നിയമിച്ചതെന്ന ആക്ഷേപമാണ് കെഎസ്യുവും കോൺഗ്രസിലെ ഒരു വിഭാഗം അഭിഭാഷകരും ഉയർത്തുന്നത്.
നിയമന വിവാദത്തിൽ അതൃപ്തി പരസ്യമാക്കിയ കെഎസ്യു സംസ്ഥാന പ്രസിഡന്റ് അലോഷ്യസ് സേവ്യറിന് കൂടിക്കാഴ്ചയ്ക്ക് വി ഡി സതീശൻ അനുമതി നിഷേധിച്ചു. കെഎസ്യു ആണോ ഗവൺമെന്റ് പ്ലീഡർമാരെ നിശ്ചയിക്കുന്നതെന്നും, ഈ വിഷയത്തിൽ വിദ്യാർത്ഥി സംഘടനയ്ക്ക് എന്ത് കാര്യമാണുള്ളതെന്നുമുള്ള സതീശന്റെ വാർത്താസമ്മേളനത്തിലെ പരിഹാസമാണ് നേതാക്കളെ ചൊടിപ്പിച്ചത്. സതീശന്റെ പരാമർശം പിൻവലിക്കണമെന്നും, നിയമനത്തിൽ പുനരാലോചന വേണമെന്നും ആവശ്യപ്പെടാൻ കെഎസ്യു സംസ്ഥാന കമ്മിറ്റി തീരുമാനിച്ചതിന് തൊട്ടുപിന്നാലെയാണ് കൂടിക്കാഴ്ചയ്ക്കുള്ള അപേക്ഷ സതീശൻ തള്ളിയത്.
സതീശന്റെ കടുത്ത നിലപാടിൽ കോൺഗ്രസ് നേതൃത്വത്തിലെ ഒരു വിഭാഗത്തിനും കടുത്ത അതൃപ്തിയുണ്ട്. കഴിഞ്ഞ പത്ത് വർഷമായി തെരുവിൽ സമരം നയിക്കുന്ന കെഎസ്യു പ്രവർത്തകരുടെ വൈകാരികത മനസിലാക്കാൻ സതീശന് സാധിച്ചില്ലെന്നാണ് ഇവരുടെ കുറ്റപ്പെടുത്തൽ. എന്നാൽ, സതീശനെ പിന്തുണച്ച് കോഴിക്കോട് ഡിസിസി ജനറൽ സെക്രട്ടറി നിജേഷ് അരവിന്ദ് രംഗത്തെത്തിയത് ശ്രദ്ധേയമായി. കെഎസ്യു നേതാക്കളുടെ നിലപാട് അരോചകമാണെന്നും, സംഘടനയിലെ ചിലർ 'കുത്തിത്തിരുപ്പുകളുടെ അംബാസഡർമാരായി' മാറുന്നുവെന്നുമാണ് നിജേഷ് ഫേസ്ബുക്കിലൂടെ വിമർശിച്ചത്.
വി ഡി സതീശന്റെ കടന്നാക്രമണത്തിന് സോഷ്യൽ മീഡിയയിലൂടെയാണ് അലോഷ്യസ് സേവ്യർ മറുപടി നൽകിയത്. "നെറികേടുകൾക്ക് നേരെ വിരൽ ചൂണ്ടുന്നത് ധിക്കാരമെങ്കിൽ ഞങ്ങൾ ഒരുകൂട്ടം ധിക്കാരികൾ" എന്ന അടിക്കുറിപ്പോടെ, വിരൽ ചൂണ്ടി നിൽക്കുന്ന ചിത്രമാണ് അലോഷ്യസ് ഫേസ്ബുക്കിൽ പങ്കുവെച്ചത്. പ്ലീഡർ നിയമനത്തിൽ ആശങ്ക അറിയിച്ചതിൽ എന്ത് തെറ്റാണുള്ളതെന്നും, മുഖ്യമന്ത്രി വി ഡി സതീശൻ കുറച്ചുകൂടി ജാഗ്രത പാലിക്കണമായിരുന്നുവെന്നും അലോഷ്യസ് തുറന്നടിച്ചു.
നിയമന വിവാദത്തിൽ അതൃപ്തി പരസ്യമാക്കിയ കെഎസ്യു സംസ്ഥാന പ്രസിഡന്റ് അലോഷ്യസ് സേവ്യറിന് കൂടിക്കാഴ്ചയ്ക്ക് വി ഡി സതീശൻ അനുമതി നിഷേധിച്ചു. കെഎസ്യു ആണോ ഗവൺമെന്റ് പ്ലീഡർമാരെ നിശ്ചയിക്കുന്നതെന്നും, ഈ വിഷയത്തിൽ വിദ്യാർത്ഥി സംഘടനയ്ക്ക് എന്ത് കാര്യമാണുള്ളതെന്നുമുള്ള സതീശന്റെ വാർത്താസമ്മേളനത്തിലെ പരിഹാസമാണ് നേതാക്കളെ ചൊടിപ്പിച്ചത്. സതീശന്റെ പരാമർശം പിൻവലിക്കണമെന്നും, നിയമനത്തിൽ പുനരാലോചന വേണമെന്നും ആവശ്യപ്പെടാൻ കെഎസ്യു സംസ്ഥാന കമ്മിറ്റി തീരുമാനിച്ചതിന് തൊട്ടുപിന്നാലെയാണ് കൂടിക്കാഴ്ചയ്ക്കുള്ള അപേക്ഷ സതീശൻ തള്ളിയത്.
സതീശന്റെ കടുത്ത നിലപാടിൽ കോൺഗ്രസ് നേതൃത്വത്തിലെ ഒരു വിഭാഗത്തിനും കടുത്ത അതൃപ്തിയുണ്ട്. കഴിഞ്ഞ പത്ത് വർഷമായി തെരുവിൽ സമരം നയിക്കുന്ന കെഎസ്യു പ്രവർത്തകരുടെ വൈകാരികത മനസിലാക്കാൻ സതീശന് സാധിച്ചില്ലെന്നാണ് ഇവരുടെ കുറ്റപ്പെടുത്തൽ. എന്നാൽ, സതീശനെ പിന്തുണച്ച് കോഴിക്കോട് ഡിസിസി ജനറൽ സെക്രട്ടറി നിജേഷ് അരവിന്ദ് രംഗത്തെത്തിയത് ശ്രദ്ധേയമായി. കെഎസ്യു നേതാക്കളുടെ നിലപാട് അരോചകമാണെന്നും, സംഘടനയിലെ ചിലർ 'കുത്തിത്തിരുപ്പുകളുടെ അംബാസഡർമാരായി' മാറുന്നുവെന്നുമാണ് നിജേഷ് ഫേസ്ബുക്കിലൂടെ വിമർശിച്ചത്.
വി ഡി സതീശന്റെ കടന്നാക്രമണത്തിന് സോഷ്യൽ മീഡിയയിലൂടെയാണ് അലോഷ്യസ് സേവ്യർ മറുപടി നൽകിയത്. "നെറികേടുകൾക്ക് നേരെ വിരൽ ചൂണ്ടുന്നത് ധിക്കാരമെങ്കിൽ ഞങ്ങൾ ഒരുകൂട്ടം ധിക്കാരികൾ" എന്ന അടിക്കുറിപ്പോടെ, വിരൽ ചൂണ്ടി നിൽക്കുന്ന ചിത്രമാണ് അലോഷ്യസ് ഫേസ്ബുക്കിൽ പങ്കുവെച്ചത്. പ്ലീഡർ നിയമനത്തിൽ ആശങ്ക അറിയിച്ചതിൽ എന്ത് തെറ്റാണുള്ളതെന്നും, മുഖ്യമന്ത്രി വി ഡി സതീശൻ കുറച്ചുകൂടി ജാഗ്രത പാലിക്കണമായിരുന്നുവെന്നും അലോഷ്യസ് തുറന്നടിച്ചു.
Hashtags: #MalayoramNews #KeralaPolitics #KSU #VDSatheesan #PleaderAppointment #CongressKerala #AloysiusXavier #PoliticalRift
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.