മലപ്പുറത്ത് കുളിക്കുന്നതിനിടെ വാട്ടർ ടാങ്ക് തകർന്ന് ഒരു യുവാവ് ദാരുണമായി മരിച്ചു. യുവാവ് വാട്ടർ ടാങ്കിനടിയിൽ കുളിക്കുന്നതിനിടെ ടാങ്ക് തകർന്ന് യുവാവിന്റെ ദേഹത്തേക്ക് വീഴുകയായിരുന്നു . മലപ്പുറം കൊണ്ടോട്ടി കരുവാങ്കല്ലു വട്ടപ്പറമ്പിൽ ചോനാരി മുഹമ്മദ് ഫൈസൽ (38) മരിച്ചു. ഇന്നലെ ഉച്ചകഴിഞ്ഞ് 3 മണിയോടെയാണ് അപകടം. ഓടുമേഞ്ഞ വീടായതിനാൽ കമ്പികൊണ്ട് നിർമ്മിച്ച ഒരു സ്റ്റാൻഡിന് മുകളിലാണ് വാട്ടർ ടാങ്ക് സ്ഥാപിച്ചിരുന്നത്. ടാപ്പ് തുറന്ന് പുറത്ത് ഈ വാട്ടർ ടാങ്കിനടിയിൽ കുളിക്കുന്നതിനിടെയാണ് അപകടം. സ്റ്റാൻഡിന്റെ കമ്പി ദ്രവിച്ചതിനെ തുടർന്ന് ടാങ്ക് യുവാവിന്റെ ദേഹത്തേക്ക് വീഴുകയായിരുന്നു. യുവാവിനെ ഉടൻ തന്നെ ആശുപത്രിയിൽ എത്തിച്ചെങ്കിലും അദ്ദേഹം മരിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.