കോഴിക്കോട്: ബസിനുള്ളിൽ വെച്ച് ലൈംഗികാതിക്രമം നടത്തിയെന്ന ആരോപണത്തിന് പിന്നാലെ യുവാവ് ജീവനൊടുക്കിയതിൽ യുവതിക്കെതിരെ ശക്തമായ നടപടി വേണമെന്ന ആവശ്യവുമായി മരിച്ച ദീപക്കിൻ്റെ പിതാവ് ചോയി.
ഇനി ആർക്കും ഇങ്ങനെ സംഭവിക്കരുതെന്നും ചോയ് പറഞ്ഞു. മാനനഷ്ടക്കേസ് ഫയൽ ചെയ്യും. ദീപക്കിൻ്റെ മുഖത്ത് വിഷമം കണ്ട് കാര്യം എന്താണെന്ന് തിരക്കിയെങ്കിലും പറഞ്ഞിരുന്നില്ലെന്ന് ചോയി ചേർത്തു.
ദീപക്കിനെ കുറ്റപ്പെടുത്തുന്ന തരത്തിൽ മെഡിക്കൽ കോളേജ് ഇൻസ്പെക്ടർ സംസാരിച്ചതായി ബന്ധുവായ സനീഷ് ആരോപിച്ചു.
അതേസമയം, സംഭവത്തിൽ യുവതിക്കെതിരെ പരാതി പ്രവാഹമാണ്. മുഖ്യമന്ത്രിക്കും ഡിജിപിക്കും കോഴിക്കോട് സിറ്റി പൊലീസിനുമാണ് പരാതി ലഭിച്ചത്.
കോഴിക്കോട് ഗോവിന്ദപുരം സ്വദേശി ദീപക് ആത്മഹത്യ ചെയ്യാൻ കാരണം അപമാനവും മാനസിക സംഘർഷവുമാണെന്ന് പരാതിയിൽ പറയുന്നു. പരാതിയിൻമേൽ അന്വേഷണം നടത്താൻ കോഴിക്കോട് മെഡിക്കൽ കോളേജ് പൊലീസിൻ്റെ നീക്കം.
മാങ്കാവ് സ്വദേശി ദീപക് കഴിഞ്ഞ ദിവസമാണ് ജീവനൊടുക്കിയത്. യുവതി വീഡിയോ ചിത്രീകരിക്കുകയും സമൂഹമാധ്യമത്തിലൂടെ പ്രചരിപ്പിക്കുകയും ചെയ്തു.
ഇതിൽ മനംനൊന്താണ് യുവാവ് ആത്മഹത്യ ചെയ്തത്. വ്യക്തിഹത്യ ചെയ്തുവെന്ന് യുവാവിൻ്റെ ബന്ധുക്കൾ ആരോപിച്ചിരുന്നു.
Young man commits suicide after being accused of sexual assault on bus
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.