തിരുവനന്തപുരം: പൊതുനിരത്തിൽ മാലിന്യം നിക്ഷേപിക്കുന്നതിനെക്കുറിച്ച് തെളിവുകൾ സഹിതം വിവരം നൽകുന്നവർക്കുള്ള പാരിതോഷികം വർദ്ധിപ്പിച്ചു. എറണാകുളം, തിരുവനന്തപുരം ജില്ലകളിലാണ് ഏറ്റവും കൂടുതൽ മാലിന്യം നിക്ഷേപിക്കുന്നത്, ഏറ്റവും കുറവ് വയനാട് ജില്ലയിലാണ്. വിവരം നൽകുന്നവർക്ക് പിഴയുടെ നാലിലൊന്ന് നൽകാൻ തദ്ദേശ സ്വയംഭരണ വകുപ്പ് തീരുമാനിച്ചു. പൊതുസ്ഥലങ്ങളിൽ മാലിന്യം നിക്ഷേപിക്കുന്നത് റിപ്പോർട്ട് ചെയ്യുന്നതിൽ പൊതുജനപങ്കാളിത്തം വർദ്ധിപ്പിക്കുന്നതിനുള്ള നീക്കത്തിന്റെ ഭാഗമാണിത്. ഇതുവരെ വിവരം നൽകുന്നവർക്ക് 2500 രൂപ നൽകിയിരുന്നു. ഗുരുതരമായ കുറ്റകൃത്യങ്ങളെക്കുറിച്ച് വിവരം നൽകുന്നവർക്ക് ഉയർന്ന പാരിതോഷികം നൽകുമെന്ന് മന്ത്രി എം ബി രാജേഷ് പറഞ്ഞു. വിവരം നൽകുന്നവർക്ക് ഈ തുക ലഭിക്കുന്നുണ്ടെന്ന് ഉറപ്പാക്കാൻ തദ്ദേശ സ്വയംഭരണ സ്ഥാപനങ്ങൾക്ക് മന്ത്രി നിർദ്ദേശം നൽകി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.