.png){kind=tracking}
ന്യൂഡൽഹി : പാകിസ്ഥാൻ തലസ്ഥാനമായ ഇസ്ലാമാബാദിലും ലാഹോറിലും ഇന്ത്യ കനത്ത വ്യോമാക്രമണം നടത്തി. പാക് ഭീകര ക്യാമ്പുകൾ തകർത്ത ഓപ്പറേഷൻ സിന്ദൂരിൻ്റെ തുടർച്ചയായിരുന്നു ഇന്ത്യയുടെ ആക്രമണം.
പാക് ഭീകര ക്യാമ്പുകൾ തകർത്ത ഓപ്പറേഷൻ സിന്ദൂരിൻ്റെ തുടർച്ചയായി വ്യാഴാഴ്ച രാത്രിയാണ് രാജ്യത്തെ സൈനിക താവളങ്ങളിലും വിമാനത്താവളങ്ങളിലും പാകിസ്ഥാൻ വ്യോമാക്രമണം നടത്തിയത്. എന്നിരുന്നാലും, വ്യോമ പ്രതിരോധ സംവിധാനങ്ങൾ ഉപയോഗിച്ച് പാകിസ്ഥാൻ മിസൈലുകളും ഡ്രോണുകളും തകർത്തു. ജമ്മുവിൽ നിന്നാണ് യുദ്ധവിമാനങ്ങൾ പറന്നുയർന്നത്. ഇസ്ലാമാബാദിലും ലാഹോറിലും ഇന്ത്യ കനത്ത വ്യോമാക്രമണം നടത്തി. ഇതോടെ പാക്കിസ്ഥാനിലെ പ്രധാന നഗരങ്ങൾ ഇരുട്ടിൽ മുങ്ങി. മൂന്ന് പാക് യുദ്ധവിമാനങ്ങളും 50 ഓളം ഡ്രോണുകളും പത്തോളം മിസൈലുകളും തകർത്തു. രണ്ട് ചൈനീസ് നിർമ്മിത ജെഎഫ്-17എസ്, എഫ്-16 യുദ്ധവിമാനങ്ങളാണ് തകർന്നത്. പാക് പൈലറ്റിനെ ഇന്ത്യ കസ്റ്റഡിയിലെടുത്തതായും സൂചനയുണ്ട്.
പാക് ആക്രമണത്തിൽ ആളപായമില്ലെന്ന് അധികൃതർ അറിയിച്ചു. അതിർത്തി കടന്നുള്ള ആക്രമണത്തെ തുടർന്ന് പ്രതിരോധ മന്ത്രിയുടെ അധ്യക്ഷതയിൽ അടിയന്തര ഉന്നതതല യോഗം ചേർന്നു. ജോയിൻ്റ് ചീഫ് ഓഫ് സ്റ്റാഫ് ജനറൽ അനിൽ ചൗഹാനും മൂന്ന് സേനാ മേധാവികളും പങ്കെടുത്തു. വിദേശകാര്യ മന്ത്രി എസ് ജയശങ്കർ യുഎസ് സ്റ്റേറ്റ് സെക്രട്ടറി മാർക്കോ റൂബിയോയുമായി ഫോണിൽ സംസാരിച്ചു. ദേശീയ സുരക്ഷാ ഉപദേഷ്ടാവ് അജിത് ഡോവൽ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.