കണ്ണൂരിൽ നിയന്ത്രണം വിട്ട കാർ ഇടിച്ച് മൂന്ന് വയസ്സുകാരിക്ക് ദാരുണാന്ത്യം.#accident

 

കണ്ണൂർ പയ്യാവൂരിലെ ചമതചാലിൽ അമിതവേഗതയിൽ വന്ന കാർ ഇടിച്ച് മൂന്ന് വയസ്സുകാരി മരിച്ചു. ഉറവക്കുഴിയിൽ അനുവിന്റെ മകൾ നോറയാണ് മരിച്ചത് . ഇന്ന് വൈകുന്നേരം 6 മണിയോടെയാണ് അപകടം. അമിതവേഗതയിൽ വന്ന  കാർ നിയന്ത്രണം വിട്ട് റോഡിലൂടെ നടന്നുപോവുകയായിരുന്ന മൂന്ന് വയസ്സുകാരിയെയും മുത്തശ്ശിയെയും ഇടിച്ചുതെറിപ്പിച്ചു. അപകടത്തിൽ കുട്ടി സംഭവസ്ഥലത്ത് തന്നെ മരിച്ചു. മുത്തശ്ശിക്ക് പരിക്കേറ്റു.

മറ്റൊരു വാഹനത്തെ മറികടക്കുന്നതിനിടെയാണ് അപകടം. കാർ ഓടിച്ചിരുന്നത് പയ്യന്നൂർ സ്വദേശിയാണ്. ഇയാളെ പോലീസ് കസ്റ്റഡിയിലെടുത്തു.