പാലക്കാട്: മലമ്പുഴ അണക്കെട്ടിൽ സഹോദരങ്ങൾ മുങ്ങിമരിച്ചു. പാലക്കാട് പൂളക്കാട് സ്വദേശി നാസിഫിന്റെ മക്കളായ മുഹമ്മദ് നിഹാൽ (20), മുഹമ്മദ് ആദിൽ (16) എന്നിവരാണ് മരിച്ചത്.
ഇന്നലെ രാത്രി ഇരുവരും മലമ്പുഴ അണക്കെട്ടിൽ കുളിക്കാൻ പോയിരുന്നു. ഇരുവരും പതിവായി അണക്കെട്ടിൽ കുളിക്കാൻ പോയിരുന്നതായി റിപ്പോർട്ടുണ്ട്. കുളിക്കുന്നതിനിടെ മുങ്ങിമരിച്ചാണ് അപകടമുണ്ടായത്.
കുട്ടികൾ തിരിച്ചെത്താത്തതിനെത്തുടർന്ന് തിരച്ചിൽ നടത്തിയപ്പോൾ അണക്കെട്ടിന്റെ പരിസരത്ത് വസ്ത്രങ്ങളും ചെരിപ്പുകളും കണ്ടെത്തി. തുടർന്ന് ഫയർഫോഴ്‌സ് എത്തി തിരച്ചിൽ നടത്തി. ഇന്ന് രാവിലെയാണ് മൃതദേഹം കണ്ടെത്തിയത്. പോസ്റ്റ്‌മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറും.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.