ആദിവാസി പ്രമോട്ടറിനെതിരെ ആരോപണമുന്നയിച്ച് കാട്ടാനയുടെ ആക്രമണത്തിൽ കൊല്ലപ്പെട്ട കാളിയുടെ കുടുംബം.#newsupdates

 

അട്ടപ്പാടിയിലെ സ്വര്‍ണ്ണ ഗദ്ദയുടെ മുകളില്‍ കാട്ടാനയുടെ ആക്രമണത്തില്‍ കൊല്ലപ്പെട്ട കാളിയെ ആശുപത്രിയിലെത്തിക്കാന്‍ വൈകിയതായി കുടുംബം ആരോപിച്ചു. കാളി മൂന്ന് മണിക്കൂറായി കാട്ടില്‍ പരിക്കേറ്റ് കിടക്കുകയായിരുന്നുവെന്ന് ഒപ്പമുണ്ടായിരുന്ന മരുമകന്‍ വിഷ്ണു മാധ്യമങ്ങളോട് പറഞ്ഞു. ഗോത്ര പ്രമോട്ടര്‍ വിളിച്ചിട്ടും ഫോണ്‍ എടുത്തില്ലെന്നാണ് ആരോപണം.

കാളിയും മരുമകന്‍ വിഷ്ണുവും ഇന്നലെ രാവിലെ സ്വര്‍ണ്ണ ഗദ്ദയിലെ ഉള്‍ക്കാടിലേക്ക് വിറക് ശേഖരിക്കാന്‍ പോയിരുന്നു. രണ്ട് കാട്ടാനകള്‍ തന്നെ ആക്രമിച്ചതായി മരുമകന്‍ വിഷ്ണു ആരോപിക്കുന്നു. പാലക്കാട് ജില്ലാ ആശുപത്രിയില്‍ പോസ്റ്റ്‌മോര്‍ട്ടത്തിന് ശേഷം കാളിയുടെ മൃതദേഹം ബന്ധുക്കള്‍ക്ക് കൈമാറി. അടിയന്തര ധനസഹായമായി വനം വകുപ്പ് ഉടന്‍ തന്നെ കുടുംബത്തിന് അഞ്ച് ലക്ഷം രൂപ കൈമാറും. കാളിയുടെ കുടുംബാംഗങ്ങളില്‍ ഒരാളെ വനം വകുപ്പില്‍ ജോലിക്ക് പരിഗണിക്കണമെന്നും ബന്ധുക്കളും നാട്ടുകാരും ആവശ്യപ്പെടുന്നു.

അതേസമയം, അട്ടപ്പാടിയിലെ കീരിപ്പാറയില്‍ ആനകള്‍ തമ്മിലുള്ള ഏറ്റുമുട്ടലില്‍ ഗുരുതരമായി പരിക്കേറ്റ കൊമ്പന്‍ കുഴഞ്ഞുവീണു. മലപ്പുറം കവളപ്പാറയിൽ പരിക്കേറ്റ കാട്ടാന ജനങ്ങളിൽ ഭീതി പടർത്തുകയാണ്. ആനയെ കാട്ടിലേക്ക് വിടാൻ ആവശ്യമായ നടപടികൾ സ്വീകരിക്കണമെന്ന് നാട്ടുകാർ ആവശ്യപ്പെടുന്നു.