കഞ്ചാവ് പിടികൂടിയ കേസില്‍ സംവിധയാകരെ സസ്പെന്‍ഡ് ചെയ്യാന്‍ ഡയറക്ടര്‍ യുണിയന്‍.#latestnews

 

 കഞ്ചാവ് പിടികൂടിയ സംഭവത്തിൽ സംവിധായകർക്കെതിരെ നടപടി. സംവിധായകരായ ഖാലിദ് റഹ്മാൻ, അഷ്‌റഫ് ഹംസ എന്നിവരെ സസ്‌പെൻഡ് ചെയ്തു. ഇരുവരെയും സസ്‌പെൻഡ് ചെയ്യാൻ ഫെഫ്ക ഡയറക്ടർ യൂണിയനോട് നിർദ്ദേശിച്ചിരുന്നു. ഫെഫ്കയുടെ നടപടിക്ക് പ്രൊഡ്യൂസേഴ്‌സ് അസോസിയേഷനും പിന്തുണ അറിയിച്ചിട്ടുണ്ട്.

നടപടിയെടുക്കേണ്ടത് ഫെഫ്കയാണെന്നും എന്ത് നടപടി സ്വീകരിച്ചാലും അവർ അതിനൊപ്പം നിൽക്കുമെന്നും പ്രൊഡ്യൂസേഴ്‌സ് അസോസിയേഷൻ വ്യക്തമാക്കി. മയക്കുമരുന്നിനെതിരായ പോരാട്ടത്തിൽ ഒരു വിട്ടുവീഴ്ചയുമില്ലെന്നും വലിപ്പമോ പ്രായമോ പരിഗണിക്കാതെ നടപടിയെടുക്കുമെന്നും പ്രൊഡ്യൂസേഴ്‌സ് അസോസിയേഷൻ കൂട്ടിച്ചേർക്കുന്നു.

നടപടിയിൽ വിവേചനമില്ലെന്നും ഫെഫ്ക പ്രസിഡന്റ് സിബി മലയിൽ ട്വന്റി-ഫോറിനോട് പറഞ്ഞു. സിനിമാ സെറ്റുകളിൽ മയക്കുമരുന്ന് പരിശോധനയെ ഫെഫ്ക പൂർണമായും പിന്തുണയ്ക്കുന്നുണ്ടെന്നും സിബി മലയിൽ വ്യക്തമാക്കി. സെറ്റിൽ മയക്കുമരുന്ന് ഉപയോഗം കണ്ടെത്തിയാൽ, വിവരങ്ങൾ എക്സൈസിന് കൈമാറും. ഇക്കാര്യത്തിൽ കർശന ജാഗ്രത. ആരെയും ഒഴിവാക്കില്ല - സിബി മലയിൽ വിശദീകരിച്ചു.

മുൻ ഗ്രാന്റ് ജാമ്യത്തിൽ പരിശോധന നടത്തിയത് രഹസ്യ വിവരത്തിന്റെ അടിസ്ഥാനത്തിലാണ് എന്ന് എക്സൈസ് ഡെപ്യൂട്ടി കമ്മീഷണർ ടി എം മജു പറഞ്ഞു. 1.63 ഗ്രാം ഹൈബ്രിഡ് കഞ്ചാവ് പിടിച്ചെടുത്തു. വിശദമായ അന്വേഷണം നടന്നുവരികയാണ്. ആലപ്പുഴ ഹൈബ്രിഡ് കഞ്ചാവ് കേസുമായി ബന്ധമുണ്ടോ എന്ന് പരിശോധിച്ചുവരികയാണ്. ഇതുവരെ തെളിവുകളൊന്നും ലഭിച്ചിട്ടില്ല. സമീർ താഹിറിനെ ഉടൻ വിളിച്ചുവരുത്തും. അദ്ദേഹത്തിന്റെ പങ്കാളിത്തം സംബന്ധിച്ച് ചോദ്യം ചെയ്ത ശേഷം തീരുമാനമെടുക്കും. എല്ലാ സിനിമാ പ്രവർത്തകരും മയക്കുമരുന്ന് ഉപയോഗിക്കുന്നവരല്ല. സിനിമ ലൊക്കേഷനിൽ പരിശോധന നടത്തുന്നതിൽ വെല്ലുവിളികളൊന്നുമില്ല - അദ്ദേഹം വ്യക്തമാക്കി.