തിരുവനന്തപുരത്ത് പ്രണയം നടിച്ച് പെണ്‍കുട്ടിയെ തട്ടികൊണ്ടുപോയ കേസില്‍ ബീഹാര്‍ സ്വദേശി പിടിയില്‍.#crime

 

 തിരുവനന്തപുരം: പ്രണയം നടിച്ച് ഇൻസ്റ്റാഗ്രാമിൽ പരിചയപ്പെട്ട 16 വയസ്സുള്ള പെൺകുട്ടിയെ തട്ടിക്കൊണ്ടുപോയ പ്രതി പഞ്ചാബിലെ ലുധിയാനയിൽ നിന്ന് അറസ്റ്റിലായി.

പ്രതി ബീഹാർ സ്വദേശിയാണ്. പെൺകുട്ടി മണക്കാട് സ്വദേശിയാണ്. ഏപ്രിൽ 23 ന് രാവിലെ മണക്കാട് നിന്ന് പ്രതി പെൺകുട്ടിയെ തട്ടിക്കൊണ്ടുപോയി.

പെൺകുട്ടിയുടെ പിതാവ് നൽകിയ പരാതിയിൽ ഫോർട്ട് പോലീസ് നടത്തിയ അന്വേഷണത്തിൽ അയാൾ പഞ്ചാബിലെ ലുധിയാനയിൽ എത്തിയതായി കണ്ടെത്തി. തുടർന്ന്, ഫോർട്ട് പോലീസ് സ്റ്റേഷനിലെ എസ്ഐ സുരേഷിന്റെയും എസ്‌സിപിഒ പ്രവീണിന്റെയും നേതൃത്വത്തിലുള്ള സംഘം പ്രതിയെ അവിടത്തെ ഒരു ഗ്രാമത്തിൽ നിന്ന് ധീരമായി അറസ്റ്റ് ചെയ്ത് പെൺകുട്ടിയെ രക്ഷപ്പെടുത്തി. പ്രതിക്കെതിരെ പോക്സോ വകുപ്പ് ചുമത്തിയിട്ടുണ്ട്.