പരപ്പനങ്ങാടി: പരപ്പനങ്ങാടി പുത്തൻ പീടികയിൽ ലോറികൾ കൂട്ടിയിടിച്ച് ഡ്രൈവർ മരിച്ചു. കൊല്ലം സ്വദേശിയും കണ്ണൂർ ആലമ്മൂട് താമസക്കാരനുമായ അരുൺ കുമാർ (41) മരിച്ചു. വ്യാഴാഴ്ച പുലർച്ചെ 1:30 ഓടെയാണ് അപകടം. കോട്ടയത്തുനിന്ന് പൈനാപ്പിൾ കയറ്റി വന്ന ലോറിയും കണ്ണൂരിൽനിന്ന് ചുവന്ന കല്ലുകൾ കയറ്റി വന്ന ലോറിയും കൂട്ടിയിടിച്ചു. ചുവന്ന കല്ലുകൾ കയറ്റി വന്ന ലോറിയുടെ ഡ്രൈവറാണ് മരിച്ചയാൾ. ശബ്ദം കേട്ട്, താനൂരിൽ നിന്ന് എത്തിയ നാട്ടുകാരും ഫയർഫോഴ്സും പോലീസും ലോറി വെട്ടിമുറിച്ച് പരിക്കേറ്റവരെ പുറത്തെടുത്തു. അരുൺ കുമാറിന്റെ മൃതദേഹം തിരൂരങ്ങാടി താലൂക്ക് ആശുപത്രി മോർച്ചറിയിലേക്ക് മാറ്റി. പരിക്കേറ്റ രണ്ട് പേരെ സ്വകാര്യ ആശുപത്രിയിൽ പ്രവേശിപ്പിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.