സംസ്ഥാനത്തെ കൂടുതൽ ജില്ലകളിൽ ഉഷ്ണ തരംഗ മുന്നറിയിപ്പ് തുടരുന്നതായി കാലാവസ്ഥാ വകുപ്പ് അറിയിച്ചു.
പാലക്കാട് ഇന്നലെ രേഖപ്പെടുത്തിയ ഉയർന്ന താപനില സാധാരണയിൽ നിന്ന് 4.4 ഡിഗ്രി സെൽഷ്യസാണ്. തിരുവനന്തപുരത്തെ ആലപ്പുഴ, തൃശൂർ, കോഴിക്കോട് ജില്ലകളിലാണ് 3 മുതൽ 3.5 ഡിഗ്രി സെൽഷ്യസ് വരെ ഉയർന്ന താപനില.
പാലക്കാട് 41 ഡിഗ്രി സെൽഷ്യസും തൃശൂർ 40 ഡിഗ്രി സെൽഷ്യസും കൊല്ലം, കോഴിക്കോട് ജില്ലകളിൽ 39 ഡിഗ്രി സെൽഷ്യസും ആലപ്പുഴ, കോട്ടയം, പത്തനംതിട്ട, കണ്ണൂർ ജില്ലകളിൽ 38 ഡിഗ്രി സെൽഷ്യസും തിരുവനന്തപുരം, എറണാകുളം, കാസർകോട്, മലപ്പുറം ജില്ലകളിൽ 37 ഡിഗ്രി സെൽഷ്യസും രേഖപ്പെടുത്തിയിട്ടുണ്ട്. ഇത് കൂടാനാണ് സാധ്യത. സാധാരണയേക്കാൾ 3 മുതൽ 5 ഡിഗ്രി സെൽഷ്യസ് വരെ ചൂട് കൂടാൻ സാധ്യതയുണ്ട്.
സംസ്ഥാനത്ത് വേനൽമഴ ഇന്നും തുടരാൻ സാധ്യതയുണ്ട്. തിരുവനന്തപുരം മുതൽ വയനാട് വരെയുള്ള 12 ജില്ലകളിൽ മഴയ്ക്ക് സാധ്യതയുണ്ട്. മലയോര മേഖലകളിൽ കൂടുതൽ വേനൽമഴ ലഭിച്ചേക്കും.
കള്ളകടൽ പ്രതിഭാസത്തിൻ്റെ ഭാഗമായി കേരള-തെക്കൻ തമിഴ്നാട് തീരങ്ങളിൽ ഉയർന്ന തിരമാലകൾക്കും കടൽക്ഷോഭത്തിനും സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.