കഴിഞ്ഞ ദിവസം പെയ്ത മഴയിൽ യുഎഇയിൽ മരിച്ചവരുടെ എണ്ണം നാലായി. ഫിലിപ്പീൻസ് കോൺസുലേറ്റ് പ്രകാരം രണ്ട് സ്ത്രീകളടക്കം മൂന്ന് ഫിലിപ്പീൻസുകാരാണ് മരിച്ചത്. രാജ്യത്തെ റോഡുകളിൽ ഉൾപ്പെടെ വെള്ളം നീക്കം ചെയ്യുന്നുണ്ട്. ദുബായ് വിമാനത്താവളത്തിൻ്റെ പ്രവർത്തനം ഇന്ന് സാധാരണ നിലയിലായേക്കും.
രണ്ട് സ്ത്രീകളടക്കം മൂന്ന് ഫിലിപ്പീൻസ് സ്വദേശികൾ മരിച്ചതായി ഫിലിപ്പീൻസ് കോൺസുലേറ്റ് അറിയിച്ചതോടെ യുഎഇയിൽ മരണസംഖ്യ നാലായി. സ്ത്രീകൾ സഞ്ചരിച്ചിരുന്ന കാർ വെള്ളക്കെട്ടിൽ വീണ് ശ്വാസം മുട്ടി മരിക്കുകയായിരുന്നു. മറ്റൊരു സംഭവത്തിൽ കാർ കുഴിയിൽ വീണതിനെ തുടർന്ന് ഗുരുതരമായി പരിക്കേറ്റ മൂന്നാമൻ മരിച്ചു. നേരത്തെ റാസൽഖൈമയിൽ മലവെള്ളപ്പാച്ചിലിൽ ഒരു സ്വദേശി മരിച്ചിരുന്നു.
അതേസമയം, മഴയെത്തുടർന്ന് വിവിധയിടങ്ങളിൽ ഉയർന്ന വെള്ളം നീക്കുന്ന പ്രവൃത്തി യു.എ.ഇ.യിലാകെ പുരോഗമിക്കുകയാണ്. രാജ്യത്തെ ഒട്ടുമിക്ക റോഡുകളും മഴവെള്ളത്താൽ മൂടപ്പെട്ട നിലയിൽ. പലയിടത്തും ഗതാഗതക്കുരുക്ക് രൂക്ഷമായി. ഷാർജയിൽ വെള്ളപ്പൊക്കത്തിൽ നിരവധി വാഹനങ്ങൾ തകർന്നു. വെള്ളം കയറിയ റോഡുകളിലെ ചെളിയും മണലും നീക്കം ചെയ്യുന്ന ജോലിയും പുരോഗമിക്കുന്നു.
മലയാളികളുടെ ഉൾപ്പെടെ നേതൃത്വത്തിലുള്ള വിവിധ ഇന്ത്യന്‍ കൂട്ടായ്മകളും വ്യക്തികളും സ്ഥാപനങ്ങളും യു.എ.ഇ അധികൃതര്ക്കൊപ്പം ദുരിത മേഖലകളില്‍ സഹായ ഹസ്തവുമായി രംഗത്തുണ്ട്. അതേസമയം, രാജ്യത്തെ വിമാന സർവീസുകൾ ഇന്ന് സാധാരണ നിലയിലാകുമെന്ന് അധികൃതർ അറിയിച്ചു.
ദുബായ് എയർപോർട്ടിലെ എല്ലാ ടെർമിനലുകളിൽ നിന്നും ഇപ്പോൾ വിമാനങ്ങൾ ലഭ്യമാണ്. വിമാനത്താവളത്തിൽ നല്ല തിരക്കാണ്. മുന്നറിയിപ്പുകൾ പാലിക്കാൻ എയർപോർട്ട് അധികൃതർ യാത്രക്കാരെ ഓർമിപ്പിച്ചു. ദുബായിൽ രണ്ട് ദിവസത്തിനിടെ 1244 വിമാനങ്ങൾ റദ്ദാക്കി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.