ദുബായ് വിമാനത്താവളത്തിൻ്റെ പ്രവർത്തനം സാധാരണ നിലയിൽ തിരിച്ചെത്തിയെന്ന്‍ എയർപോർട്ട് സിഎഇ പോൾ ഗ്രിഫിത്ത്‌സ് പറഞ്ഞു. ബാഗേജ് വിതരണവും പുരോഗമിക്കുകയാണ്. ദുബായ് വിമാനത്താവളം വഴി പ്രതിദിനം 1400 വിമാനങ്ങളാണ് സർവീസ് നടത്തുന്നത്. കനത്ത മഴയെ തുടർന്ന് കഴിഞ്ഞ ദിവസങ്ങളിൽ ഇന്ത്യയിൽ നിന്നുള്ള വിമാനങ്ങളടക്കം നൂറുകണക്കിന് വിമാനങ്ങൾ റദ്ദാക്കിയിരുന്നു.
ബസുകളും പൂർണതോതിൽ സർവീസ് പുനരാരംഭിച്ചു. ദുബായിലെ 4 മെട്രോ സ്റ്റേഷനുകൾ ഒഴികെ ബാക്കിയെല്ലാം തുറന്നു. മഴ കഴിഞ്ഞ് ഒരാഴ്ച പിന്നിടുമ്പോൾ ഓഫീസുകൾ തുറന്നതോടെ നഗരത്തിൽ ഗതാഗതക്കുരുക്ക് രൂക്ഷമായി. മണിക്കൂറുകളോളം യാത്ര ചെയ്താണ് പലരും ഓഫീസുകളിലെത്തിയത്.
അതിനിടെ, അബുദാബിയുടെ പടിഞ്ഞാറൻ മേഖലയിൽ മഴയുടെ പ്രവചനം ഉണ്ടായിരുന്നെങ്കിലും . ഇന്നലെ ശാന്തമായ കാലാവസ്ഥയായിരുന്നു. ഫുജൈറയിലും അൽഐനിലും ഇന്ന് മഴ മുന്നറിയിപ്പ് നൽകിയിട്ടുണ്ട്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.