സംസ്ഥാനത്ത് ഇന്നലെ 227 പേർക്കാണ് കൊവിഡ് സ്ഥിരീകരിച്ചത്. ഇതോടെ 1634 പേരാണ് രോഗം ബാധിച്ച് ചികിത്സയിലുള്ളത്. ഒരു മരണം കൂടി സ്ഥിരീകരിച്ചു. ഇതോടെ ഈ മാസം കേരളത്തിൽ കൊവിഡ് ബാധിച്ച് മരിച്ചവരുടെ എണ്ണം 10 ആയി.
കൊവിഡിന്റെ പുതിയ വകഭേദമായ ഒമൈക്രോൺ ജെഎൻ.1 കേരളത്തിൽ സജീവമാകുന്നു. ഈ വർഷം മെയ് 15ന് ശേഷം ഇത്രയധികം രോഗികൾ വരുന്നത് ഇതാദ്യമാണ്. ആഘോഷങ്ങളും ഒത്തുചേരലുകളും കൂടുതലായി നടക്കുന്ന ജനുവരി വരെ രോഗവ്യാപനം തുടരുമെന്ന് ഈ രംഗത്തെ വിദഗ്ധർ ചൂണ്ടിക്കാട്ടുന്നു. വാക്സിനേഷൻ കാരണം വൈറസ് അപകടകരമല്ലെങ്കിലും, പ്രായമായവരിലും മറ്റ് രോഗങ്ങളുള്ളവരിലും ഗർഭിണികളിലും ഇത് അപകടകരമായ അവസ്ഥകൾക്ക് കാരണമാകും.
നിലവിൽ സംസ്ഥാനത്ത് പനിബാധിതരുടെ എണ്ണത്തിൽ വൻ വർധനവാണ് ഉണ്ടായിരിക്കുന്നത്. പ്രതിദിനം പതിനായിരത്തിലധികം പേർ ആശുപത്രികളിൽ ചികിത്സതേടുന്നു. ഇവരിൽ കടുത്ത ക്ഷീണം, തളർച്ച, ശ്വാസതടസ്സം തുടങ്ങിയ ലക്ഷണങ്ങളുള്ളവരെ കോവിഡ് പരിശോധനയ്ക്ക് വിധേയരാക്കുന്നുണ്ട്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.