കോഴിക്കോട് : എലത്തൂരിൽ ആലപ്പുഴ-കണ്ണൂർ എക്‌സിക്യൂട്ടീവ് എക്‌സ്‌പ്രസ് കത്തിച്ച ഷാരൂഖ് സെയ്ഫി അറസ്റ്റിൽ. മഹാരാഷ്ട്രയിൽ വച്ചാണ് ഇയാളെ അറസ്റ്റ് ചെയ്തതെന്നാണ് റിപ്പോർട്ട്. തിങ്കളാഴ്ച രാത്രിയാണ് പ്രതിയെ പിടികൂടിയതെന്നാണ് റിപ്പോർട്ടുകൾ. കേരളത്തിൽ നിന്നുള്ള മഹാരാഷ്ട്ര എടിഎസ് പ്രത്യേക അന്വേഷണ സംഘത്തിന്റെ സഹായത്തോടെയാണ് പ്രതിയെ പിടികൂടിയതെന്നാണ് റിപ്പോർട്ട്.
ഞായറാഴ്ച രാത്രി 9.30ന് ആലപ്പുഴ-കണ്ണൂർ എക്‌സിക്യൂട്ടീവ് എക്‌സ്പ്രസിലാണ് സംഭവം. എലത്തൂർ കോരപ്പുഴ പാലത്തിന് മുകളിൽ എത്തിയപ്പോൾ ഡി1 കമ്പാർട്ടുമെന്റിലെ യാത്രക്കാരുടെ മേൽ അക്രമി പെട്രോൾ ഒഴിച്ച് തീകൊളുത്തുകയായിരുന്നു. രക്ഷപ്പെടാൻ ശ്രമിച്ച കുഞ്ഞ് ഉൾപ്പെടെ 3 പേരെ റെയിൽവേ ട്രാക്കിൽ മരിച്ച നിലയിൽ കണ്ടെത്തി. 9 പേർക്ക് പൊള്ളലേറ്റു. പെട്രോളൊഴിച്ച് തീ കൊളുത്തിയ ശേഷം ചങ്ങല വലിച്ച് ട്രെയിൻ നിർത്തി അക്രമി രക്ഷപ്പെടുകയായിരുന്നു.
പോസ്റ്റുകള്
