കരിങ്കല്ലത്താണി : സ്കൂളിന് മുന്നിലെ സ്റ്റോപ്പിൽ ബസ് നിർത്തുന്നില്ലെന്ന കുട്ടികളുടെ തുടർച്ചയായ പരാതിയെ തുടർന്ന് സ്‌കൂൾ പ്രിൻസിപ്പാൾ തന്നെ റോഡിലിറങ്ങി ബസ് തടഞ്ഞു നിർത്തി. താഴെക്കോട് കാപ്പുപറമ്പ് പി.ടി.എം.എച്ച്.എസ്.എസ് പ്രിൻസിപ്പൽ സൈനുദ്ദീൻ ആണ് ബസ് തടഞ്ഞത്.
പ്രശ്‌ന സാധ്യത കണക്കിലെടുത്ത് ആരെയും അറിയിക്കാതെ ഒറ്റയ്ക്ക് റോഡിലിറങ്ങി ബസ് തടയുകയായിരുന്നു. കോഴിക്കോട്-പാലക്കാട് റൂട്ടിലോടുന്ന രാജപ്രഭ ബസ് സ്ഥിരമായി സ്റ്റോപ്പിൽ നിർത്താതെ അമിതവേഗതയിൽ ഓടുന്നത് വിദ്യാർഥികൾക്ക് അപകടമുണ്ടാക്കുന്നതായി പരാതി ഉയർന്നിരുന്നു. പോലീസിൽ പരാതി നൽകിയിട്ടും നടപടിയുണ്ടായില്ലെന്നും അദ്ദേഹം പറയുന്നു. ഇന്നലെ ബസ് നിർത്താൻ ശ്രമിച്ചെങ്കിലും അമിതവേഗതയിൽ കടന്നുപോയി. ഇതേത്തുടർന്ന് പ്രിൻസിപ്പൽ റോഡിലെ ഡിവൈഡർ ക്രമീകരിച്ച് ബസ് തടഞ്ഞ് താക്കീത് നൽകി വിട്ടയച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.