ജനങ്ങള്‍ക്ക് ജാഗ്രത : ബാണാസുര ഡാം തുറന്നു #BANASURA_DAM

വയനാട് : മഴ ശക്തമായതിനെ തുടര്‍ന്ന്‍ ബാണാസുര സാഗര്‍ ഡാമിന്റെ ഷട്ടർ തുറന്നു. വിവിധ നദികളിൽ ജലനിരപ്പ് ഉയർന്നതോടെ പ്രളയ സാധ്യത മുന്നറിയിപ്പും നൽകിയിട്ടുണ്ട്. സെക്കൻ്റിൽ 50 ക്യുബിക് വെള്ളം ഘട്ടം ഘട്ടമായി പുഴയിലേക്ക് ഒഴുക്കി വിടാനാണ് തീരുമാനിച്ചിരിക്കുന്നത്. പുഴയുടെ തീരങ്ങളിലുള്ളവരും താഴ്ന്ന പ്രദേശങ്ങളിൽ താമസിക്കുന്നവരും ജാഗ്രത പാലിക്കണമെന്ന് ജില്ലാ ദുരന്ത നിവാരണ അതോറിറ്റി ചെയര്‍പേഴ്‌സണ്‍ കൂടിയായ ജില്ലാ കളക്ടര്‍ ഡി. ആർ മേഘശ്രീ അറിയിച്ചു. അടിയന്തര സാഹചര്യങ്ങളിൽ ആളുകൾക്ക് എമർജൻസി ഓപ്പറേറ്റിങ് സെന്ററിലെ 1077 നമ്പറിൽ വിളിക്കാം.

അതോടൊപ്പം ബാണാസുര ഡാമിന്റെ ഷട്ടർ ഉയർത്തുന്നതിനാൽ ആരും ജലാശയങ്ങളിൽ ഇറങ്ങരുതെന്ന് ജില്ലാ പോലീസ് മേധാവി തപോഷ് ബസുമതാരി ഐ പി എസ് അറിയിച്ചു. ജലനിരപ്പ് ഉയരാൻ സാധ്യത ഉള്ളതിനാൽ ആരും കുളിക്കുന്നതിനോ വസ്ത്രമലക്കുന്നതിനോ മീൻ പിടിക്കുന്നതിനോ മറ്റോ ജലാശയങ്ങളിൽ ഇറങ്ങരുത്. അനധികൃതമായി വിനോദത്തിനോ മീൻ പിടിക്കുന്നതിനോ ജലാശയങ്ങളിലേക്ക് ഇറങ്ങുന്നവർക്കെതിരെ കർശന നടപടികൾ സ്വീകരിക്കും. കരമാൻ തോട്, പനമരം പുഴ തീരങ്ങളിലും കബനി പുഴകൾ, കൈവഴികൾക്കടുത്ത പ്രദേശങ്ങളിലും താഴ്ന്ന പ്രദേശങ്ങളിലും താമസിക്കുന്നവര്‍ കൂടുതൽ ജാഗ്രത പാലിക്കണം. ജില്ലയിലെ വിദ്യഭ്യാസ സ്ഥാപനങ്ങൾക്ക് അവധി പ്രഖ്യാപിച്ചതിനാൽ കുട്ടികളെ കൂടുതൽ ശ്രദ്ധിക്കാൻ രക്ഷിതാക്കൾ ശ്രദ്ധിക്കേണ്ടതാണ്. അടിയന്തിര സാഹചര്യത്തിൽ ജില്ലാ എമർജൻസി ഓപ്പറേറ്റിംഗ്‌ സെന്ററിൽ വിളിക്കാം, നമ്പർ 1077. പോലീസ് സഹായത്തിനായി 112 ലേക്ക് വിളിക്കുക.

കന്നിയങ്കത്തിന് പ്രിയങ്ക, നാമനിർദ്ധേശ പത്രിക സമർപ്പിച്ചു. #Priyanka_Gandhi

 

കന്നി അങ്കത്തിനായി കോൺഗ്രസ് സ്ഥാനാർത്ഥി പ്രിയങ്ക ഗാന്ധി നാമനിർദ്ദേശ പത്രിക സമർപ്പിച്ചു. വയനാട് മണ്ഡലം വരണാധികാരിയായ കലക്ടർക്കാണ് നാമനിർദേശ പത്രിക സമർപ്പിച്ചത്. സോണിയ ഗാന്ധി, മല്ലികാർജുൻ ഖാർഗെ, രാഹുൽ ഗാന്ധി, പ്രിയങ്കയുടെ ഭർത്താവ് റോബർട്ട് വാദ്ര, മകൻ റൈഹാൻ എന്നിവർ പ്രിയങ്കയ്‌ക്കൊപ്പമുണ്ടായിരുന്നു. നാമനിർദേശ പത്രിക സമർപ്പിച്ചതിന് ശേഷം പ്രിയങ്ക ഗാന്ധിയും രാഹുൽ ഗാന്ധിയും മണ്ണിടിച്ചിലിൽ മരിച്ചവരുടെ സംസ്‌കാരം നടന്ന പുത്തുമല സന്ദർശിക്കും.

വലിയ റോഡ് ഷോയ്ക്കും പൊതുപരിപാടിക്കും ശേഷമാണ് പ്രിയങ്ക നാമനിർദേശ പത്രിക സമർപ്പിച്ചത്. വയനാടിനെ പ്രതിനിധീകരിക്കാൻ കഴിഞ്ഞത് അഭിമാനകരമാണെന്ന് പ്രിയങ്ക പരിപാടിയിൽ പറഞ്ഞു. പതിനേഴാം വയസ്സിലാണ് അദ്ദേഹം ആദ്യമായി പ്രചാരണത്തിനിറങ്ങിയത്. വയനാടിൻ്റെ ഭാഗമാകാൻ കഴിഞ്ഞത് വലിയ അംഗീകാരമാണെന്നും പ്രിയങ്ക പറഞ്ഞു. വയനാട്ടിലെ ജനകീയ പ്രശ്‌നങ്ങളിൽ ഇടപെടും. ഓരോരുത്തരുടെയും വീട്ടിൽ പോയി അവരുടെ പ്രശ്നങ്ങൾ കേൾക്കും. താൻ കാരണം ജനങ്ങൾക്ക് ഒരു ബുദ്ധിമുട്ടും ഉണ്ടാകില്ലെന്നും പ്രിയങ്ക ഗാന്ധി കൂട്ടിച്ചേർത്തു.

35 വർഷമായി അദ്ദേഹം തൻ്റെ പിതാവിനും അമ്മയ്ക്കും സഹോദരനുമായി പ്രചാരണം നടത്തി. ആദ്യമായി എനിക്കുവേണ്ടി പ്രചാരണം നടത്തുന്നു. എനിക്ക് ഈ അവസരം നൽകിയതിന് കോൺഗ്രസ് പാർട്ടിക്കും പ്രസിഡൻ്റ് ഖാർഗെയ്ക്കും നന്ദി. ഞാൻ ചൂരൽമലയും മുണ്ടക്കൈയും സന്ദർശിച്ചിരുന്നു. വയനാടിൻ്റെ നഷ്ടം നേരിട്ടറിഞ്ഞു. എല്ലാം നഷ്ടപ്പെട്ടവരെ നേരിൽ കണ്ടു. മഹാവിപത്തിനെ അവർ തികഞ്ഞ ധൈര്യത്തോടെ നേരിട്ടു. ആ ധൈര്യം എന്നെ വല്ലാതെ ആകർഷിച്ചു. വയനാടൻ കുടുംബത്തിൻ്റെ ഭാഗമാകാൻ കഴിഞ്ഞത് ഭാഗ്യമായി കരുതുന്നു. വയനാടിൻ്റെ ഭാഗമാകാൻ കഴിഞ്ഞത് വലിയ അംഗീകാരമാണ്. വയനാടുമായുള്ള ബന്ധം ശക്തമാക്കും, പ്രിയങ്ക പറഞ്ഞു.