ലൈംഗികാതിക്രമ കേസ് : പ്രജ്വൽ രേവണ്ണയുടെ നയതന്ത്ര പാസ്‌പോർട്ട് റദ്ദാക്കാൻ സമ്മർദ്ദം .... #Prajwal_Revanna

 

ലൈംഗികാതിക്രമ കേസിൽ വിദേശത്ത് ഒളിവിൽ കഴിയുന്ന ജെഡിഎസ് നേതാവ് പ്രജ്വൽ രേവണ്ണയുടെ നയതന്ത്ര പാസ്‌പോർട്ട് റദ്ദാക്കാൻ സമ്മർദ്ദം ശക്തമാക്കി കർണാടക സർക്കാർ. ആവശ്യമുന്നയിച്ച് മുഖ്യമന്ത്രി സിദ്ധരാമയ്യ വീണ്ടും പ്രധാനമന്ത്രിക്ക് കത്തയച്ചു. കത്ത് പരിശോധിക്കുകയാണെന്നും, തുടർ നടപടി ആലോചിക്കുമെന്നും വിദേശകാര്യ മന്ത്രാലയം.

27 ദിവസമായി വിദേശത്ത് ഒളിവിൽ കഴിയുന്ന പ്രജ്വൽ രേവണ്ണയെ നാട്ടിലെത്തിക്കാൻ കടുത്ത നടപടിയിലേക്ക് കടക്കുകയാണ് കർണാടക സർക്കാർ. ഇതിനായി പ്രജ്വലിന്റെ നയതന്ത്ര പാസ്‌പോർട്ട് റദ്ദാക്കാൻ കേന്ദ്രസർക്കാരിനുമേൽ ശക്തമായ സമ്മർദ്ദമാണ് ചെലുത്തുന്നത്. പ്രജ്വൽ വിദേശത്തേക്ക് കടന്നതും, ആറോളം രാജ്യങ്ങളിലേക്ക് യാത്ര ചെയ്തതും ഇതേ പാസ്‌പോർട്ട് ഉപയോഗിച്ചാണെന്നാണ് അന്വേഷണ സംഘത്തിന്റെ കണ്ടെത്തൽ. ഇന്ത്യയിൽ അറസ്റ്റ് വാറന്റ് നിലനിൽക്കെ പല തവണ ആവശ്യപ്പെട്ടിട്ടും നയതന്ത്ര പാസ്‌പോർട്ട് റദ്ദാക്കാൻ വിദേശകാര്യ മന്ത്രാലയം എന്തുകൊണ്ട് തയ്യാറാകുന്നില്ലെന്നാണ് കർണാടക സർക്കാരിന്റെ ചോദ്യം.അതേസമയം സിദ്ധരാമയ്യ അയച്ച രണ്ടാമത്തെ കത്തിൽ മന്ത്രാലയത്തിന്റെഅനുകൂല പ്രതികരണമുണ്ടായെന്നാണ് സൂചന. കർണാടകയിലെ തെരഞ്ഞെടുപ്പ് പൂർത്തിയായതിന് ശേഷം പ്രജ്വൽ കീഴടങ്ങുമെന്ന വിവരം നേരത്തെ പുറത്തുവന്നിരുന്നു. എന്നാൽ വിഷയം ദേശീയ തലത്തിൽ ചർച്ചയായ പശ്ചാത്തലത്തിൽ പ്രജ്വൽ ഉടൻ കീഴടങ്ങേണ്ടന്നായിരുന്നുബിജെപി നേതൃത്വത്തിന്റെ നിലപാട്. എന്നാൽ തെരഞ്ഞെടുപ്പ് അവസാനഘട്ടത്തിൽ എത്തിയ സാഹചര്യത്തിൽ പ്രജ്വലിന്റെ നയതന്ത്ര പാസ്‌പോർട്ട് റദ്ദാക്കാനാണ് സാധ്യത.

കര്‍ണ്ണാടക രാഷ്ട്രീയത്തിലെ 'അശ്ലീല വിവാദം' ; ഞെട്ടി തരിച്ച് ദേശീയ നേതൃത്വം.. #Prajwal_Revanna_Videos

 

ഒരു ബേബി പെൻഡ്രൈവ്, 2976 അശ്ലീല രംഗങ്ങൾ  ആളിക്കത്തിയ രാഷ്ട്രീയ വിവാദങ്ങളുടെ തീപ്പൊരി കർണാടക രാഷ്ട്രീയത്തെ പിടിച്ചു കുലുക്കുകയാണ്. ലോക്‌സഭാ തെരഞ്ഞെടുപ്പിനിടെയുള്ള ഈ വിവാദം തിരഞ്ഞെടുപ്പ് വിജയമോ പരാജയമോ മാത്രമല്ല, ഒരുകാലത്ത് രാജ്യം ഭരിച്ചിരുന്ന പാർട്ടിയുടെ നേതാവായി മുൻ പ്രധാനമന്ത്രിയുടെ പിൻഗാമിയായി ആരാകും എന്ന ചോദ്യവും ഉയരുന്നുണ്ട്. കർണാടകയിലെ ഹാസൻ ലോക്‌സഭാംഗവും മുൻ പ്രധാനമന്ത്രി എച്ച്‌ഡി ദേവഗൗഡയുടെ ചെറുമകനുമായ പ്രജ്വല് രേവണയുടെ ലൈംഗികാസക്തി രാജ്യത്തുടനീളം വലിയ രാഷ്ട്രീയ മുന്നേറ്റം ലക്ഷ്യമിടുന്ന എൻഡിഎയെ പോലും പ്രതിരോധത്തിലാക്കിയിരിക്കുകയാണ്.

ഏപ്രിൽ 24ന് പ്രജ്ജ്വല് രേവണ്ണയുമായി ബന്ധപ്പെട്ട 2976 സെക്‌സ് വീഡിയോകൾ അടങ്ങിയ പെൻഡ്രൈവ് ഹാസൻ മണ്ഡലിൽ നിന്ന് പുറത്തുവന്നിരുന്നു. ലോക്‌സഭാ തെരഞ്ഞെടുപ്പിന് രണ്ട് ദിവസം മുമ്പായിരുന്നു ഇത്. ഈ വിവാദം എച്ച് ഡി ദേവ ഗൗഡയുടെ രണ്ട് മക്കളെ (- എച്ച് ഡി കുമാരസ്വാമിയും മൂത്ത സഹോദരൻ എച്ച് ഡി രേവണ്ണയും) ഭിന്നിപ്പിച്ചു. രാഷ്ട്രീയത്തിൽ ആരു ആധിപത്യം സ്ഥാപിക്കുമെന്നതും ഇതിൻ്റെ അടിസ്ഥാനത്തിലായിരിക്കും.

വിവാദം പൊട്ടിപ്പുറപ്പെട്ടതിന് തൊട്ടുപിന്നാലെ എച്ച്‌ഡി കുമാരസ്വാമിയുടെ പ്രതികരണം, വിഷയത്തിൽ വരാനിരിക്കുന്ന ഉൾപാർട്ടി വഴക്കുകളുടെയും കുടുംബ വഴക്കുകളുടെയും വ്യക്തമായ സൂചനയാണ്. ഉപ്പ് തിന്നവൻ വെള്ളം കുടിക്കേണ്ടി വരുമെന്നായിരുന്നു അദ്ദേഹത്തിൻ്റെ പ്രതികരണം. തെരഞ്ഞെടുപ്പിന് തൊട്ടുമുമ്പ് ആരാണ് ഇത് പുറത്തുവിട്ടത്, എന്തിനാണ് ഇപ്പോൾ പുറത്തിറക്കുന്നത്? എന്തുകൊണ്ടാണ് ഇത് നേരത്തെ പുറത്തുവിടാതിരുന്നത്? തെരഞ്ഞെടുപ്പുകാലത്ത് എന്തിനാണ് പഴയ വിഷയം ഉയർത്തുന്നത്? പ്രത്യേക അന്വേഷണ സംഘം രൂപീകരിച്ചിട്ടുണ്ട്. രൂപീകരിച്ചിട്ടുണ്ട്. കുറ്റക്കാർ നിയമപ്രകാരം ശിക്ഷിക്കപ്പെടണമെന്നും അദ്ദേഹം മാധ്യമപ്രവർത്തകരോട് പറഞ്ഞു.