പത്ത് വർഷം മുൻപ് ഇതേ ദിവസം, രാജ്യം കണ്ട ഏറ്റവും വലിയ സാമ്പത്തിക വിപ്ലവങ്ങളിലൊന്നിന് പ്രധാനമന്ത്രി നരേന്ദ്ര മോദി തുടക്കം കുറിച്ചത് മറക്കാനാകില്ല. 2016 നവംബർ 8 ന് രാത്രി എട്ട് മണിക്കായിരുന്നു നോട്ട് നിരോധിച്ചുകൊണ്ടുള്ള അപ്രതീക്ഷിത പ്രഖ്യാപനം. കള്ളപ്പണം, കള്ളനോട്ട്, ഭീകരപ്രവർത്തനത്തിനുള്ള ധനസഹായം എന്നിവ തടയുക, ഡിജിറ്റൽ പണമിടപാടുകൾ പ്രോത്സാഹിപ്പിക്കുക തുടങ്ങിയ ലക്ഷ്യങ്ങളോടെ അഞ്ഞൂറിന്റെയും ആയിരത്തിന്റെയും നോട്ടുകൾ അർദ്ധരാത്രി മുതൽ അസാധുവാക്കിയതായി പ്രധാനമന്ത്രി അറിയിച്ചു. ഈ പ്രഖ്യാപനം രാജ്യത്തെ ജനങ്ങളെ വലിയ ആശയക്കുഴപ്പത്തിലേക്കും ദുരിതത്തിലേക്കും തള്ളിവിടുകയായിരുന്നു.
സ്വതന്ത്ര ഇന്ത്യയിലെ ഏറ്റവും വലിയ തീരുമാനങ്ങളിലൊന്നായി വാഴ്ത്തപ്പെട്ട നോട്ട് നിരോധനം ഇന്ത്യൻ സമ്പദ്ഘടനയിൽ എന്ത് മാറ്റങ്ങളുണ്ടാക്കി എന്ന ചർച്ച ഇന്നും സജീവമാണ്. കള്ളപ്പണം ഇല്ലാതാക്കുന്നതിനായി നടപ്പാക്കിയ ഈ നയം വഴി നാല് ലക്ഷം കോടി രൂപയോളം ബാങ്കുകളിലേക്ക് തിരിച്ചെത്തില്ലെന്നും ആ തുക സർക്കാർ ഖജനാവിലേക്ക് എത്തുമെന്നും വാദങ്ങളുണ്ടായി. എന്നാൽ റിസർവ് ബാങ്കിന്റെ കണക്കുകൾ പ്രകാരം, അസാധുവാക്കിയ 15.41 ലക്ഷം കോടി രൂപയുടെ നോട്ടുകളിൽ 15.31 ലക്ഷം കോടിയും (99.3 ശതമാനം) ബാങ്കുകളിൽ തിരിച്ചെത്തി. ഇതോടെ, കള്ളപ്പണം ഇല്ലാതാകുമെന്ന സർക്കാർ വാദം പൊളിഞ്ഞു. നോട്ടുകൾ മാറാൻ ജനങ്ങൾക്ക് തെരുവുകളിൽ അലയേണ്ടി വന്നതും പലരുടെയും ജീവിതം താറുമാറായതും മാത്രമായിരുന്നു യഥാർത്ഥത്തിൽ ഇതിന്റെ പരിണിതഫലം.
കള്ളനോട്ട് തടയുക എന്ന ലക്ഷ്യവും ഫലവത്തായില്ലെന്നാണ് കണക്കുകൾ സൂചിപ്പിക്കുന്നത്. 2016-ൽ 6.32 ലക്ഷം കള്ളനോട്ടുകളാണ് പിടികൂടിയതെങ്കിൽ, തുടർന്നുള്ള അഞ്ച് വർഷത്തിനിടെ പിടികൂടിയത് ഏകദേശം 20 ലക്ഷത്തോളം കള്ളനോട്ടുകളാണ്. ഇതിൽ വലിയൊരു ഭാഗവും 100 രൂപ നോട്ടുകളായിരുന്നു. നിരോധിച്ച 500ന്റെയും 1000ന്റെയും നോട്ടുകളല്ല കൂടുതലായി പിടിക്കപ്പെട്ടത്. ഭീകരപ്രവർത്തനങ്ങളുമായി നോട്ട് നിരോധനത്തെ ബന്ധിപ്പിച്ച് കാര്യമായ തെളിവുകൾ നിരത്താനും സർക്കാരിന് കഴിഞ്ഞിട്ടില്ല.
ഭരണാധികാരികളുടെ വികലമായ സാമ്പത്തിക പരിഷ്കാരങ്ങൾ രാജ്യത്തെ ജനതയെ എങ്ങനെ ബാധിക്കുമെന്നതിനുള്ള ഒരു ഉത്തമ ഉദാഹരണമായി നോട്ട് നിരോധനം നിലകൊള്ളുന്നു. സാധാരണക്കാരുടെ ജീവിതം അനുദിനം പ്രതിസന്ധിയിലാകുകയും വിലക്കയറ്റം രൂക്ഷമാകുകയും ചെയ്യുന്ന നിലവിലെ സാഹചര്യത്തിൽ, ഇന്ധനവില വർദ്ധനയും പ്രതികൂല കാലാവസ്ഥയിലെ വിളനാശവും വിലക്കയറ്റത്തിന് കാരണമാകുന്നു. ഇതിനോടൊപ്പം വികലമായ സാമ്പത്തിക നയങ്ങൾ കൂടിയായപ്പോൾ അത് ഇരുട്ടടിയായി. വിരലിൽ മഷി പുരട്ടി, ബാങ്കുകൾക്ക് മുന്നിൽ മണിക്കൂറുകൾ വരിനിൽക്കേണ്ടി വന്ന ജനത്തോട്, ആർക്കുവേണ്ടി, എന്തിന് വേണ്ടിയായിരുന്നു നോട്ട് നിരോധനമെന്ന പൊതുജനങ്ങളുടെ ചോദ്യത്തിന് കേന്ദ്രസർക്കാർ എന്നെങ്കിലും മറുപടി പറഞ്ഞേ തീരൂ.
സ്വതന്ത്ര ഇന്ത്യയിലെ ഏറ്റവും വലിയ തീരുമാനങ്ങളിലൊന്നായി വാഴ്ത്തപ്പെട്ട നോട്ട് നിരോധനം ഇന്ത്യൻ സമ്പദ്ഘടനയിൽ എന്ത് മാറ്റങ്ങളുണ്ടാക്കി എന്ന ചർച്ച ഇന്നും സജീവമാണ്. കള്ളപ്പണം ഇല്ലാതാക്കുന്നതിനായി നടപ്പാക്കിയ ഈ നയം വഴി നാല് ലക്ഷം കോടി രൂപയോളം ബാങ്കുകളിലേക്ക് തിരിച്ചെത്തില്ലെന്നും ആ തുക സർക്കാർ ഖജനാവിലേക്ക് എത്തുമെന്നും വാദങ്ങളുണ്ടായി. എന്നാൽ റിസർവ് ബാങ്കിന്റെ കണക്കുകൾ പ്രകാരം, അസാധുവാക്കിയ 15.41 ലക്ഷം കോടി രൂപയുടെ നോട്ടുകളിൽ 15.31 ലക്ഷം കോടിയും (99.3 ശതമാനം) ബാങ്കുകളിൽ തിരിച്ചെത്തി. ഇതോടെ, കള്ളപ്പണം ഇല്ലാതാകുമെന്ന സർക്കാർ വാദം പൊളിഞ്ഞു. നോട്ടുകൾ മാറാൻ ജനങ്ങൾക്ക് തെരുവുകളിൽ അലയേണ്ടി വന്നതും പലരുടെയും ജീവിതം താറുമാറായതും മാത്രമായിരുന്നു യഥാർത്ഥത്തിൽ ഇതിന്റെ പരിണിതഫലം.
കള്ളനോട്ട് തടയുക എന്ന ലക്ഷ്യവും ഫലവത്തായില്ലെന്നാണ് കണക്കുകൾ സൂചിപ്പിക്കുന്നത്. 2016-ൽ 6.32 ലക്ഷം കള്ളനോട്ടുകളാണ് പിടികൂടിയതെങ്കിൽ, തുടർന്നുള്ള അഞ്ച് വർഷത്തിനിടെ പിടികൂടിയത് ഏകദേശം 20 ലക്ഷത്തോളം കള്ളനോട്ടുകളാണ്. ഇതിൽ വലിയൊരു ഭാഗവും 100 രൂപ നോട്ടുകളായിരുന്നു. നിരോധിച്ച 500ന്റെയും 1000ന്റെയും നോട്ടുകളല്ല കൂടുതലായി പിടിക്കപ്പെട്ടത്. ഭീകരപ്രവർത്തനങ്ങളുമായി നോട്ട് നിരോധനത്തെ ബന്ധിപ്പിച്ച് കാര്യമായ തെളിവുകൾ നിരത്താനും സർക്കാരിന് കഴിഞ്ഞിട്ടില്ല.
ഭരണാധികാരികളുടെ വികലമായ സാമ്പത്തിക പരിഷ്കാരങ്ങൾ രാജ്യത്തെ ജനതയെ എങ്ങനെ ബാധിക്കുമെന്നതിനുള്ള ഒരു ഉത്തമ ഉദാഹരണമായി നോട്ട് നിരോധനം നിലകൊള്ളുന്നു. സാധാരണക്കാരുടെ ജീവിതം അനുദിനം പ്രതിസന്ധിയിലാകുകയും വിലക്കയറ്റം രൂക്ഷമാകുകയും ചെയ്യുന്ന നിലവിലെ സാഹചര്യത്തിൽ, ഇന്ധനവില വർദ്ധനയും പ്രതികൂല കാലാവസ്ഥയിലെ വിളനാശവും വിലക്കയറ്റത്തിന് കാരണമാകുന്നു. ഇതിനോടൊപ്പം വികലമായ സാമ്പത്തിക നയങ്ങൾ കൂടിയായപ്പോൾ അത് ഇരുട്ടടിയായി. വിരലിൽ മഷി പുരട്ടി, ബാങ്കുകൾക്ക് മുന്നിൽ മണിക്കൂറുകൾ വരിനിൽക്കേണ്ടി വന്ന ജനത്തോട്, ആർക്കുവേണ്ടി, എന്തിന് വേണ്ടിയായിരുന്നു നോട്ട് നിരോധനമെന്ന പൊതുജനങ്ങളുടെ ചോദ്യത്തിന് കേന്ദ്രസർക്കാർ എന്നെങ്കിലും മറുപടി പറഞ്ഞേ തീരൂ.
Hashtags: #Demonetization #NoteBan #IndiaEconomy #EconomicPolicy #10Years #India
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.