പ്രമുഖ പൊതുമേഖലാ ബാങ്കായ കനറാ ബാങ്ക് എടിഎം, ക്യാഷ് റീസൈക്ലർ സേവന നിരക്കുകൾ വർദ്ധിപ്പിച്ചു. സാധാരണ സേവിങ്സ് ബാങ്ക് അക്കൗണ്ട് ഉടമകൾക്ക് പ്രതിമാസം ലഭിച്ചിരുന്ന സൗജന്യ ഇടപാടുകളുടെ എണ്ണം വെട്ടിച്ചുരുക്കിയതിനൊപ്പം സൗജന്യ പരിധി കഴിഞ്ഞുള്ള പണം പിൻവലിക്കൽ ചാർജുകളും വർധിച്ചിട്ടുണ്ട്. പുതുക്കിയ സേവന നിരക്കുകൾ സെപ്റ്റംബർ ഒന്നു മുതൽ പ്രാബല്യത്തിൽ വന്നു.
പുതിയ നിബന്ധനകൾ പ്രകാരം സാധാരണ സേവിങ്സ് അക്കൗണ്ട് ഉപഭോക്താക്കൾക്ക് ഒരു മാസത്തിൽ കനറാ ബാങ്ക് എടിഎമ്മുകളിൽ നിന്നും ക്യാഷ് റീസൈക്ലറുകളിൽ നിന്നും പരമാവധി അഞ്ച് സൗജന്യ ഇടപാടുകൾ (സാമ്പത്തികവും അല്ലാത്തതും ചേർത്ത്) മാത്രമേ നടത്താനാകൂ. മുൻപ് ഇത് ആറ് ഇടപാടുകളായിരുന്നു. അതേസമയം, മുതിർന്ന പൗരന്മാർക്ക് മാസത്തിൽ എട്ട് സൗജന്യ ഇടപാടുകൾ എന്ന ആനുകൂല്യം തുടർന്നും ലഭിക്കും.
സൗജന്യ പരിധി കഴിഞ്ഞാൽ കനറാ ബാങ്ക് എടിഎമ്മുകളിൽ നിന്ന് ഓരോ തവണ പണം പിൻവലിക്കുമ്പോഴും 23 രൂപയും ജിഎസ്ടിയും ഈടാക്കും. മുൻപ് ഇത് 20 രൂപയും ജിഎസ്ടിയുമായിരുന്നു. മിനി സ്റ്റേറ്റ്മെന്റ്, ബാലൻസ് പരിശോധന തുടങ്ങിയ സാമ്പത്തികേതര ഇടപാടുകൾക്ക് 5 രൂപയും ജിഎസ്ടിയും പഴയതുപോലെ തുടരും. മറ്റ് ബാങ്ക് എടിഎമ്മുകളിൽ നിന്ന് മെട്രോ നഗരങ്ങളിൽ 3 ഇടപാടുകളും നോൺ-മെട്രോ നഗരങ്ങളിൽ 5 ഇടപാടുകളുമാണ് സൗജന്യം. ഈ പരിധിക്ക് ശേഷം പണം പിൻവലിച്ചാൽ 23 രൂപയും ജിഎസ്ടിയും, സാമ്പത്തികേതര ഇടപാടുകൾക്ക് 11 രൂപയും ജിഎസ്ടിയും നൽകണം.
അതേസമയം, പുതിയ കാർഡുകൾക്കായി എടിഎം വഴി ഗ്രീൻ പിൻ ജനറേറ്റ് ചെയ്യുന്നതിനുള്ള ഫീസിൽ ബാങ്ക് ആശ്വാസകരമായ ഇളവ് പ്രഖ്യാപിച്ചിട്ടുണ്ട്. നിശ്ചിത സൗജന്യ പരിധി കഴിഞ്ഞുള്ള ഗ്രീൻ പിൻ റീജനറേഷന് മുൻപ് 23 രൂപയും ജിഎസ്ടിയും വാങ്ങിയിരുന്ന സ്ഥാനത്ത് ഇനിമുതൽ 5 രൂപയും ജിഎസ്ടിയും മാത്രമേ ഈടാക്കൂ. കനറാ ബാങ്കിന്റെ ഔദ്യോഗിക വെബ്സൈറ്റിൽ പുതുക്കിയ സർവീസ് ചാർജ് പട്ടിക ലഭ്യമാണ്.
പുതിയ നിബന്ധനകൾ പ്രകാരം സാധാരണ സേവിങ്സ് അക്കൗണ്ട് ഉപഭോക്താക്കൾക്ക് ഒരു മാസത്തിൽ കനറാ ബാങ്ക് എടിഎമ്മുകളിൽ നിന്നും ക്യാഷ് റീസൈക്ലറുകളിൽ നിന്നും പരമാവധി അഞ്ച് സൗജന്യ ഇടപാടുകൾ (സാമ്പത്തികവും അല്ലാത്തതും ചേർത്ത്) മാത്രമേ നടത്താനാകൂ. മുൻപ് ഇത് ആറ് ഇടപാടുകളായിരുന്നു. അതേസമയം, മുതിർന്ന പൗരന്മാർക്ക് മാസത്തിൽ എട്ട് സൗജന്യ ഇടപാടുകൾ എന്ന ആനുകൂല്യം തുടർന്നും ലഭിക്കും.
സൗജന്യ പരിധി കഴിഞ്ഞാൽ കനറാ ബാങ്ക് എടിഎമ്മുകളിൽ നിന്ന് ഓരോ തവണ പണം പിൻവലിക്കുമ്പോഴും 23 രൂപയും ജിഎസ്ടിയും ഈടാക്കും. മുൻപ് ഇത് 20 രൂപയും ജിഎസ്ടിയുമായിരുന്നു. മിനി സ്റ്റേറ്റ്മെന്റ്, ബാലൻസ് പരിശോധന തുടങ്ങിയ സാമ്പത്തികേതര ഇടപാടുകൾക്ക് 5 രൂപയും ജിഎസ്ടിയും പഴയതുപോലെ തുടരും. മറ്റ് ബാങ്ക് എടിഎമ്മുകളിൽ നിന്ന് മെട്രോ നഗരങ്ങളിൽ 3 ഇടപാടുകളും നോൺ-മെട്രോ നഗരങ്ങളിൽ 5 ഇടപാടുകളുമാണ് സൗജന്യം. ഈ പരിധിക്ക് ശേഷം പണം പിൻവലിച്ചാൽ 23 രൂപയും ജിഎസ്ടിയും, സാമ്പത്തികേതര ഇടപാടുകൾക്ക് 11 രൂപയും ജിഎസ്ടിയും നൽകണം.
അതേസമയം, പുതിയ കാർഡുകൾക്കായി എടിഎം വഴി ഗ്രീൻ പിൻ ജനറേറ്റ് ചെയ്യുന്നതിനുള്ള ഫീസിൽ ബാങ്ക് ആശ്വാസകരമായ ഇളവ് പ്രഖ്യാപിച്ചിട്ടുണ്ട്. നിശ്ചിത സൗജന്യ പരിധി കഴിഞ്ഞുള്ള ഗ്രീൻ പിൻ റീജനറേഷന് മുൻപ് 23 രൂപയും ജിഎസ്ടിയും വാങ്ങിയിരുന്ന സ്ഥാനത്ത് ഇനിമുതൽ 5 രൂപയും ജിഎസ്ടിയും മാത്രമേ ഈടാക്കൂ. കനറാ ബാങ്കിന്റെ ഔദ്യോഗിക വെബ്സൈറ്റിൽ പുതുക്കിയ സർവീസ് ചാർജ് പട്ടിക ലഭ്യമാണ്.
Hashtags: #CanaraBank #ATMFees #BankingChanges #ServiceCharges #MoneyMatters #FinancialNews #KeralaNews
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.