രാജഗിരിയിലെ കബനി ബ്ലൂ മെറ്റൽസ് ക്വാറിയിലെ അപകടകരമായ പാറകൾ ഉടൻ നീക്കം ചെയ്യാനും ക്വാറിയുടെ പ്രവർത്തനം താൽക്കാലികമായി നിർത്തിവയ്ക്കാനും കലക്ടർ അരുൺ കെ. വിജയൻ ഉത്തരവിട്ടതായി ചെറുപുഴ പഞ്ചായത്ത് ഭരണസമിതി അറിയിച്ചു. ജില്ലാ ജിയോളജിസ്റ്റ്, പയ്യന്നൂർ തഹസിൽദാർ, ചെറുപുഴ പഞ്ചായത്ത് പ്രസിഡന്റ്, പഞ്ചായത്ത് സെക്രട്ടറി എന്നിവർ സ്ഥലം സന്ദർശിച്ച് സമർപ്പിച്ച റിപ്പോർട്ടിന്റെ അടിസ്ഥാനത്തിലാണ് ദുരന്തനിവാരണ അതോറിറ്റി ചെയർമാൻ കൂടിയായ കളക്ടറുടെ ഉത്തരവ്.
23 ന് വൈകുന്നേരം 3 മണിക്ക് രാജഗിരി-ജോസ്ഗിരി റോഡിൽ കൂറ്റൻ പാറകൾ ഉരുണ്ടുകൂടി ഗതാഗതക്കുരുക്കും വൈദ്യുതി വിതരണവും തടസ്സപ്പെട്ടതിനെ തുടർന്ന് ക്വാറിയുടെ പ്രവർത്തനം താൽക്കാലികമായി നിർത്തിവയ്ക്കാൻ ഉത്തരവ് പുറപ്പെടുവിച്ചു.
ഒരു മാസത്തിനുള്ളിൽ അപകടകരമായ പാറകൾ ക്വാറി ഉടമ തന്നെ സുരക്ഷിതമായി നീക്കം ചെയ്യണം. പാറ നീക്കം ചെയ്യൽ ജോലികൾക്ക് ആവശ്യമെങ്കിൽ മാത്രം സ്ഫോടകവസ്തുക്കൾ ഉപയോഗിക്കാനും അനുമതി നൽകി. നിർദ്ദേശങ്ങൾ പാലിച്ചില്ലെങ്കിൽ, ക്വാറി ഉടമയ്ക്കെതിരെ ദുരന്തനിവാരണ നിയമപ്രകാരം നിയമനടപടി സ്വീകരിക്കും.
ജില്ലാ ദുരന്തനിവാരണ അതോറിറ്റി, പഞ്ചായത്ത്, ജിയോളജി വകുപ്പുകളുടെ നേതൃത്വത്തിൽ ക്വാറിയിൽ സംയുക്ത പരിശോധന നടത്തി 40 ദിവസത്തിനുള്ളിൽ അപകടഭീഷണി ഒഴിവാക്കിയിട്ടുണ്ടെന്ന് ഉറപ്പാക്കണം. ക്വാറി ഉടമ പരിസ്ഥിതി അനുമതി ഹാജരാക്കിയാൽ മാത്രമേ ജോലി തുടരണോ വേണ്ടയോ എന്ന് തീരുമാനിക്കാൻ കഴിയൂ. ഇതിനുള്ള നടപടികൾ ഏകോപിപ്പിക്കാൻ ജില്ലാ ജിയോളജിസ്റ്റിനെ ചുമതലപ്പെടുത്തി പഞ്ചായത്ത് പ്രസിഡന്റ് ലൈസമ്മ പനക്കൽ, വൈസ് പ്രസിഡന്റ് സതീശൻ കാർത്തികപ്പള്ളി, സ്റ്റാൻഡിംഗ് കമ്മിറ്റി ചെയർമാൻമാരായ ലളിത ബാബു, കെ.ഡി. പ്രവീൺ, ലീന വില്യംസ്, പഞ്ചായത്ത് അംഗങ്ങളായ പി.ജെ. ജോസ്, ജമീല കോളയത്ത്, ടി.പി. ചന്ദ്രൻ എന്നിവർ കലക്ടർ ഉത്തരവ് പുറപ്പെടുവിച്ചതായി പറഞ്ഞു.
Dangerous rocks must be removed within a month; Rajagiri quarry to be temporarily closed.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.