തിരുവനന്തപുരം: കേരളത്തിലെ സ്കൂൾ കുട്ടികളുടെ മധ്യവേനൽ അവധിക്കാലം വെട്ടിക്കുറച്ചതായി സോഷ്യൽ മീഡിയയിൽ പ്രചരിക്കുന്ന വാർത്ത പൂർണ്ണമായും തെറ്റാണെന്ന് പൊതുവിദ്യാഭ്യാസ വകുപ്പ് വ്യക്തമാക്കി. കേരളത്തിലെ വിദ്യാഭ്യാസ സ്ഥാപനങ്ങളുടെ മധ്യവേനൽ അവധിക്കാലം ഒരു മാസമായി കുറച്ചുകൊണ്ട് ഉത്തരവ് പുറപ്പെടുവിച്ചതായി സോഷ്യൽ മീഡിയയിൽ ഒരു സന്ദേശം പ്രചരിക്കുന്നുണ്ട്.
അവധി നിശ്ചയിച്ച പ്രകാരമാണ്. ഇതിൽ ഒരു മാറ്റവും വരുത്തിയിട്ടില്ല. വിദ്യാഭ്യാസ വകുപ്പിന്റെ പേരിൽ വ്യാജ രേഖകൾ നിർമ്മിച്ച് ഇത്തരമൊരു തെറ്റായ സന്ദേശം പ്രചരിപ്പിക്കുന്നു. വിദ്യാർത്ഥികൾ, മാതാപിതാക്കൾ, അധ്യാപകർ എന്നിവർക്കിടയിൽ അനാവശ്യ പരിഭ്രാന്തി സൃഷ്ടിക്കാനുള്ള ബോധപൂർവമായ ശ്രമമാണിത്.
നിലവിലെ ക്രമീകരണങ്ങൾ മാറ്റി സർക്കാർ ഒരു ഉത്തരവും പുറപ്പെടുവിച്ചിട്ടില്ല. പൊതുവിദ്യാഭ്യാസ സെക്രട്ടറിയുടെ പേരും സ്ഥാനവും ദുരുപയോഗം ചെയ്യുകയും വ്യാജ രേഖകൾ നിർമ്മിക്കുകയും ചെയ്തവർക്കെതിരെ കർശന നടപടി സ്വീകരിക്കും. നിയമവിരുദ്ധ പ്രവർത്തനം അന്വേഷിക്കാനും കുറ്റവാളികളെ കണ്ടെത്താനും സംസ്ഥാന പോലീസ് മേധാവിക്ക് പരാതി നൽകിയിട്ടുണ്ടെന്ന് പൊതുവിദ്യാഭ്യാസ സെക്രട്ടറി ഡോ. കെ. വാസുകി ഐഎഎസും പറഞ്ഞു.
ഔദ്യോഗിക സ്രോതസ്സുകളിൽ നിന്നുള്ള അറിയിപ്പുകൾ വഴിയല്ലാതെ ഇത്തരം വ്യാജ പ്രചാരണങ്ങൾ വിശ്വസിക്കുകയോ പ്രചരിപ്പിക്കുകയോ ചെയ്യരുതെന്ന് പൊതുവിദ്യാഭ്യാസ സെക്രട്ടറി ഒരു പത്രക്കുറിപ്പിലൂടെ അഭ്യർത്ഥിച്ചു.
False propaganda that summer vacation has been cut short in schools; Department of Public Education to take legal action.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.