ചെന്നൈ: പരീക്ഷ പാസാക്കാമെന്ന് വാഗ്ദാനം ചെയ്ത് മെഡിക്കൽ വിദ്യാർത്ഥിനിയെ ബലാത്സംഗം ചെയ്ത കേസിൽ സർക്കാർ ഡോക്ടറെ ഊട്ടി വനിതാ പോലീസ് അറസ്റ്റ് ചെയ്തു. നീലഗിരി ഗവൺമെന്റ് മെഡിക്കൽ കോളേജ് ആശുപത്രിയിലെ അത്യാഹിത വിഭാഗത്തിൽ ജോലി ചെയ്തിരുന്ന ഡോ. ഓം പ്രകാശ് ആണ് അറസ്റ്റിലായത്.
യൂണിവേഴ്സിറ്റി അധികൃതരുമായി സ്വാധീനം ചെലുത്തി മാർക്ക് വാങ്ങിത്തരാമെന്ന് വാഗ്ദാനം ചെയ്ത് വിദ്യാർത്ഥിനിയെ സമീപിച്ചതായി ആരോപിക്കപ്പെടുന്നു. തുടർന്ന് ശിവകാര്യ ഹോട്ടലിലേക്ക് കൊണ്ടുപോയി മദ്യം നൽകി ബലാത്സംഗം ചെയ്തു.
മുറിയിൽ ഇരുവരും തമ്മിൽ തർക്കം ഉണ്ടായതായി ശ്രദ്ധയിൽപ്പെട്ട ഹോട്ടൽ ജീവനക്കാർ പോലീസിനെ അറിയിച്ചു. പ്രാഥമിക അന്വേഷണത്തിലാണ് ബലാത്സംഗം പുറത്തുവന്നത്.
പ്രതിയായ ഓം പ്രകാശ് രണ്ടുതവണ വിവാഹിതനായെങ്കിലും ഒറ്റയ്ക്കാണ് താമസിക്കുന്നതെന്ന് പോലീസ് പറഞ്ഞു. സമാനമായ രീതിയിൽ മറ്റ് വിദ്യാർത്ഥിനികളെ ഇയാൾ കുടുക്കിയിട്ടുണ്ടോ എന്നും പോലീസ് അന്വേഷിക്കുന്നുണ്ട്.
Government doctor arrested for molesting medical student
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.