കാസർകോട്: കിണർ വൃത്തിയാക്കാൻ ഇറങ്ങുന്നതിനിടെ കയർ പൊട്ടി വീണ് മധ്യവയസ്കന് പരിക്കേറ്റു. ചെങ്കള സ്വദേശി അബ്ദുൾ റഹ്മാൻ (52) ആണ് 80 അടി താഴ്ചയുള്ള കിണറ്റിലേക്ക് വീണത്. ഇന്ന് രാവിലെ ഒമ്പതിന് ചെങ്കളയിലെ സുലൈമാൻ്റെ വീട്ടുമുറ്റത്തായിരുന്നു അപകടം.
നാല് പേരായിരുന്നു കിണർ വൃത്തിയാക്കാൻ ഉണ്ടായിരുന്നത്. അബ്ദുൾ റഹ്മാൻ കിണറ്റിൽ വീണതോടെ സഹായത്തിന് പുറത്ത് ഉണ്ടായിരുന്ന മൂന്ന് പേർ അഗ്നിരക്ഷ സേനയെ വിവരം അറിയിക്കുകയായിരുന്നു. സേനയെത്തി അപകടത്തിൽപ്പെട്ട ആളെ റിംഗ് നെറ്റിൻ്റെ സഹായത്താൽ പുറത്ത് എത്തിക്കുകയായിരുന്നു. ഫയർ ആൻഡ് റെസ്ക്യൂ ഓഫീസർ ഗോകുൽ കൃഷ്ണൻ 80 അടി താഴെയുള്ള കിണറ്റിൽ ഇറങ്ങിയാണ് അബ്ദുൾ റഹ്മാനെ കരയ്ക്ക് എത്തിച്ചത്.
അബ്ദുൾ റഹ്മാൻ നേരെ വെള്ളത്തിലേക്ക് വീണതിനാൽ വലിയ അപകടത്തിൽ നിന്ന് രക്ഷപ്പെടുകയായിരുന്നു. സേനയുടെ ആംബുലൻസിൽ ഉണ്ടായിരുന്ന ഫസ്റ്റ് എയ്ഡ് നൽകി അബ്ദുൾ റഹ്മാനെ കാസർകോട് ജനറൽ ഹോസ്പിറ്റലിലേക്ക് മാറ്റി.
പരുക്ക് ഗുരുതരമല്ലെന്നാണ് ആശുപത്രി അധികൃതർ വിശദമാക്കുന്നത്.സീനിയർ ഫയർ ആൻഡ് റസ്ക്യു ഓഫീസർ സണ്ണി ഇമ്മാനുവൽ, ഫയർ ആൻഡ് റസ്ക്യു ഓഫീസർ ഗോകുൽ കൃഷ്ണൻ, ഉമേഷൻ, അഭിലാഷ്, ഹോം ഗാർഡ് വിജിത്ത് നാഥ് സുഭാഷ്, സോബിൻ സീനിയർ ഫയർ ആൻഡ് റെസ്ക്യൂ ഓഫീസർ രമേശ് എം, അജേഷ് കെ ആർ എന്നിവർ രക്ഷാപ്രവർത്തനത്തിന് നേതൃത്വം നൽകി.
While cleaning a well, the rope broke and the man fell 80 feet; a middle-aged man miraculously escaped
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.