പാലക്കാട്: ഒറ്റപ്പാലം ലക്കിടിയിൽ ടിപ്പറും സ്കൂട്ടറും കൂട്ടിയിടിച്ച് അമ്മയും കുഞ്ഞും മരിച്ചു. തിരുവില്വാമല കണിയാർകോട് സ്വദേശി ശരണ്യയും അഞ്ച് വയസ്സുള്ള മകൾ ആദിശ്രീയുമാണ് മരിച്ചത്. സ്കൂട്ടർ ഓടിച്ചിരുന്ന ബന്ധു മോഹൻ ദാസിനും ഗുരുതരമായി പരിക്കേറ്റു.
തിരുവില്വാമലയിലെ വീട്ടിൽ നിന്ന് ലക്കിടി റോഡിലുള്ള ഭർത്താവിന്റെ വീട്ടിലേക്ക് പോകുകയായിരുന്നു ശരണ്യയും മകളും. ബന്ധു മോഹൻ ദാസാണ് വാഹനം ഓടിച്ചിരുന്നത്. ലക്കിടിയിലേക്ക് പോകുകയായിരുന്ന സ്കൂട്ടറിൽ ടിപ്പർ ഇടിച്ചതായി ദൃക്സാക്ഷികൾ പറയുന്നു. ഗുരുതരമായി പരിക്കേറ്റ ഇവരെ ഉടൻ തന്നെ ഒറ്റപ്പാലം താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
Tipper and scooter collide in Ottapalam Mother and five-year-old child die tragically
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.