പാങ്ങോട് : 80 ലക്ഷം രൂപയുടെ ലോട്ടറി അടിച്ച യുവാവ് ഒരു ദിവസം ദുരൂഹ സാഹചര്യത്തിൽ മരിച്ചു. പാങ്ങോട് സ്വദേശി സജീവ് (35) സുഹൃത്തുക്കൾക്കായി മദ്യസൽക്കാരം നടത്തുന്നതിനിടെ മൺതിട്ടയിൽ നിന്ന് വീണ് മരിച്ചു.
കഴിഞ്ഞ മാസം സജീവിന് 80 ലക്ഷം രൂപയുടെ ലോട്ടറി അടിച്ചിരുന്നതായി പോലീസ് പറഞ്ഞു. കഴിഞ്ഞ ദിവസമാണ് ഇയാളുടെ അക്കൗണ്ടിലേക്ക് പണം എത്തിയത്. ഇതേത്തുടർന്ന് മാർച്ച് ഒന്നിന് രാത്രി പാങ്ങോട് ചന്തക്കുന്നിലെ സുഹൃത്തിന്റെ വാടകവീട്ടിൽ സുഹൃത്തുക്കൾക്കായി മദ്യവിരുന്ന് സംഘടിപ്പിച്ചു. അതിനിടെയാണ് സജീവിനെ സുഹൃത്തായ മായാവി എന്നു വിളിക്കുന്ന സന്തോഷ് തള്ളിയിട്ടത്. തോട്ടത്തിൽ വീണ സജീവ് ദേഹാസ്വാസ്ഥ്യം അനുഭവപ്പെട്ടു. മെഡിക്കൽ കോളജ് ആശുപത്രിയിൽ ചികിൽസയിലിരിക്കെ ഇന്നലെ വൈകിട്ടോടെയാണ് മരിച്ചത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.