അഞ്ചാം ക്ലാസ് വിദ്യാർഥിനികളെ ലൈംഗികമായി പീഡിപ്പിച്ച കേസിൽ കപ്പൂർ ഗ്രാമപ്പഞ്ചായത്ത് മുൻ അംഗവും മുസ്ലിം ലീഗ് നേതാവുമായ അധ്യാപകൻ കുമരനെല്ലൂർ സ്വദേശി സമദ് (40) ഒളിവിൽ.
പോക്‌സോ നിയമപ്രകാരം ചങ്ങരംകുളം പോലീസ് കേസെടുത്തതോടെയാണ് ഇയാൾ ഒളിവിൽ പോയത്. ഇയാളെ കണ്ടെത്താൻ പോലീസ് തിരച്ചിൽ ഊർജിതമാക്കിയിട്ടുണ്ട്. കുട്ടികളുടെ മാതാപിതാക്കളും പോലീസിൽ പരാതി നൽകിയിട്ടുണ്ട്. സമദിനെതിരെ ഒമ്പത് കേസുകളാണ് ചങ്ങരകുളം പോലീസ് രജിസ്റ്റർ ചെയ്തിരിക്കുന്നത്.
സ്‌കൂളിലെ അധ്യാപകർ വിവരം അറിയിച്ചതിനെ തുടർന്ന് ചൈൽഡ് ലൈൻ പ്രവർത്തകർ എത്തി കുട്ടികളിൽ നിന്ന് മൊഴിയെടുത്തു. ചൈൽഡ് ലൈൻ അധികൃതർ പോലീസിൽ നൽകിയ റിപ്പോർട്ടിന്റെ അടിസ്ഥാനത്തിലാണ് കേസെടുത്തത്.
വട്ടംകുളം പഞ്ചായത്തിലെ പ്രൈമറി സ്കൂളിൽ 9 പെൺകുട്ടികളാണ് പ പീഡന വിവരം മറ്റ് അധ്യാപകരോട് പരാതിപ്പെട്ടത്. 9 വിദ്യാർത്ഥികളും അധ്യാപകനെതിരെ മൊഴി നൽകിയിട്ടുണ്ട്.
പോസ്റ്റുകള്
