എതിർക്കുന്ന നാട്ടുകാരെയെല്ലാം ഭീഷണിപ്പെടുത്തി വീടിനു മുന്നിൽ പൂക്കൾ കൊണ്ടിടുകയാണ്. 41-ാം ദിവസം മരണപ്പെടുമെന്ന് ഭീഷണിപ്പെടുത്തിയതായും നാട്ടുകാർ പറഞ്ഞു. ഒപ്പം നാട്ടുകാരെ ഭീഷണിപ്പെടുത്താൻ ഗുണ്ടകളെയും ഉപയോഗിക്കുന്നു.
#Blackmagic : കുട്ടികളെ ഉപയോഗിച്ച് മന്ത്രവാദം, മന്ത്രവാദിയുടെ വീട്ടില് DYFI യും നാട്ടുകാരും ചേര്ന്ന് പ്രതിഷേധിക്കുന്നു
നാടിനെ നടുക്കിയ നരബലി നടന്ന പത്തനംതിട്ട ജില്ലയിൽ മന്ത്രവാദത്തിന് കുട്ടികളെ ഉപയോഗിക്കുന്ന വീട്ടിൽ വൻ പ്രതിഷേധം. ഡിവൈഎഫ്ഐയും പൊതുപ്രവർത്തകരും നാട്ടുകാരും ചേർന്നാണ് സമരം നടത്തുന്നത്. മലയാലപ്പുഴ വാസന്തിമഠത്തിൽ പ്രായപൂർത്തിയാകാത്ത കുട്ടികളെ ഉപയോഗിച്ചാണ് മന്ത്രവാദം നടത്തുന്നത്. മന്ത്രോച്ചാരണത്തിനിടെ കുട്ടികൾ ബോധരഹിതയായി വീഴുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു.