തിരുവനന്തപുരം : കാര്യവട്ടം പാങ്ങപ്പാറയിൽ പ്ലസ് വൺ വിദ്യാർത്ഥിയായ അഭിറാമിനെ കൊലപ്പെടുത്തിയ കേസിൽ ഞെട്ടിക്കുന്ന വിവരങ്ങൾ പുറത്ത്. കാണാതായ അഭിറാമിന്റെ മൃതദേഹം ചാക്കിൽ കെട്ടി ഉപേക്ഷിച്ച നിലയിൽ കണ്ടെത്തിയ സംഭവത്തിൽ രണ്ട് കൗമാരക്കാരടക്കം മൂന്ന് പേരെ പൊലീസ് കസ്റ്റഡിയിലെടുത്തു. പ്രണയവുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചതെന്നാണ് പ്രാഥമിക നിഗമനം.
ഞായറാഴ്ച രാത്രിയാണ് സംഗീത നഗർ സ്വദേശിയായ അഭിറാമിനെ കാണാതാകുന്നത്. കുടുംബം നൽകിയ പരാതിയെത്തുടർന്ന് ശ്രീകാര്യം പൊലീസ് അന്വേഷണം ആരംഭിച്ചെങ്കിലും, പേരൂർ അംഗനവാടിക്ക് സമീപത്ത് നിന്ന് ഇന്ന് മൃതദേഹം കണ്ടെത്തുകയായിരുന്നു. കരിയിലയിൽ പൊതിഞ്ഞ നിലയിൽ തല മുതൽ കാൽ വരെ ചാക്കിനുള്ളിലാക്കിയ നിലയിലായിരുന്നു മൃതദേഹം. കൊലപാതകത്തിന് പെൺകുട്ടിയുടെ ഇൻസ്റ്റഗ്രാം അക്കൗണ്ട് ഉപയോഗിച്ച് അഭിറാമിനെ പാങ്ങപ്പാറയിലേക്ക് വിളിച്ചുവരുത്തിയതായാണ് വിവരം.
ശ്രീകാര്യം സ്വദേശി ഉമർ, ഒരു കൗമാരക്കാരൻ, ഒരു കൗമാരക്കാരി എന്നിവരാണ് നിലവിൽ പൊലീസ് കസ്റ്റഡിയിലുള്ളത്. നെഞ്ചിൽ ചവിട്ടിവീഴ്ത്തിയ ശേഷം ബെൽറ്റ് ഉപയോഗിച്ച് കഴുത്ത് ഞെരിച്ച് കൊലപ്പെടുത്തുകയായിരുന്നുവെന്ന് പ്രതികൾ മൊഴി നൽകി. സംഭവത്തിൽ കൗമാരക്കാരനായ പ്രതിയെ എത്തിച്ച് രാത്രി തന്നെ തെളിവെടുപ്പ് നടത്തി. കസ്റ്റഡിയിലുള്ള പെൺകുട്ടിയുടെ പങ്കിനെക്കുറിച്ചും പൊലീസ് വിശദമായി അന്വേഷിച്ചുവരികയാണ്.
അതേസമയം, കേസ് അന്വേഷണത്തിൽ പൊലീസ് ഗുരുതരമായ വീഴ്ച വരുത്തിയെന്ന് ആരോപിച്ച് അഭിറാമിന്റെ ബന്ധുക്കൾ രംഗത്തെത്തിയിട്ടുണ്ട്. ഞായറാഴ്ച ഉച്ചയോടെ കൂട്ടുകാരനെ കാണാൻ പോകുന്നു എന്ന് പറഞ്ഞ് വീട്ടിൽ നിന്ന് ഇറങ്ങിയ അഭിറാമിനെ രാത്രിയായിട്ടും കാണാതായതിനെ തുടർന്ന് മാതാപിതാക്കൾ പൊലീസിൽ പരാതി നൽകിയിരുന്നു. നിലവിൽ കഴക്കൂട്ടം അസിസ്റ്റന്റ് കമ്മീഷണറുടെ നേതൃത്വത്തിലുള്ള പ്രത്യേക അന്വേഷണ സംഘമാണ് കേസ് അന്വേഷിക്കുന്നത്.
ഞായറാഴ്ച രാത്രിയാണ് സംഗീത നഗർ സ്വദേശിയായ അഭിറാമിനെ കാണാതാകുന്നത്. കുടുംബം നൽകിയ പരാതിയെത്തുടർന്ന് ശ്രീകാര്യം പൊലീസ് അന്വേഷണം ആരംഭിച്ചെങ്കിലും, പേരൂർ അംഗനവാടിക്ക് സമീപത്ത് നിന്ന് ഇന്ന് മൃതദേഹം കണ്ടെത്തുകയായിരുന്നു. കരിയിലയിൽ പൊതിഞ്ഞ നിലയിൽ തല മുതൽ കാൽ വരെ ചാക്കിനുള്ളിലാക്കിയ നിലയിലായിരുന്നു മൃതദേഹം. കൊലപാതകത്തിന് പെൺകുട്ടിയുടെ ഇൻസ്റ്റഗ്രാം അക്കൗണ്ട് ഉപയോഗിച്ച് അഭിറാമിനെ പാങ്ങപ്പാറയിലേക്ക് വിളിച്ചുവരുത്തിയതായാണ് വിവരം.
ശ്രീകാര്യം സ്വദേശി ഉമർ, ഒരു കൗമാരക്കാരൻ, ഒരു കൗമാരക്കാരി എന്നിവരാണ് നിലവിൽ പൊലീസ് കസ്റ്റഡിയിലുള്ളത്. നെഞ്ചിൽ ചവിട്ടിവീഴ്ത്തിയ ശേഷം ബെൽറ്റ് ഉപയോഗിച്ച് കഴുത്ത് ഞെരിച്ച് കൊലപ്പെടുത്തുകയായിരുന്നുവെന്ന് പ്രതികൾ മൊഴി നൽകി. സംഭവത്തിൽ കൗമാരക്കാരനായ പ്രതിയെ എത്തിച്ച് രാത്രി തന്നെ തെളിവെടുപ്പ് നടത്തി. കസ്റ്റഡിയിലുള്ള പെൺകുട്ടിയുടെ പങ്കിനെക്കുറിച്ചും പൊലീസ് വിശദമായി അന്വേഷിച്ചുവരികയാണ്.
അതേസമയം, കേസ് അന്വേഷണത്തിൽ പൊലീസ് ഗുരുതരമായ വീഴ്ച വരുത്തിയെന്ന് ആരോപിച്ച് അഭിറാമിന്റെ ബന്ധുക്കൾ രംഗത്തെത്തിയിട്ടുണ്ട്. ഞായറാഴ്ച ഉച്ചയോടെ കൂട്ടുകാരനെ കാണാൻ പോകുന്നു എന്ന് പറഞ്ഞ് വീട്ടിൽ നിന്ന് ഇറങ്ങിയ അഭിറാമിനെ രാത്രിയായിട്ടും കാണാതായതിനെ തുടർന്ന് മാതാപിതാക്കൾ പൊലീസിൽ പരാതി നൽകിയിരുന്നു. നിലവിൽ കഴക്കൂട്ടം അസിസ്റ്റന്റ് കമ്മീഷണറുടെ നേതൃത്വത്തിലുള്ള പ്രത്യേക അന്വേഷണ സംഘമാണ് കേസ് അന്വേഷിക്കുന്നത്.
Hashtags: #അഭിറാംകൊലപാതകം #കാര്യവട്ടം #തിരുവനന്തപുരം #കൊലപാതകം #പോലീസ് #കുറ്റകൃത്യം #AbhiramMurder #Karyavattom #Thiruvananthapuram #CrimeNews #KeralaPolice
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.