എവറസ്റ്റ്, എൽജി എന്നീ പ്രമുഖ കമ്പനികളുടെ കായപ്പൊടി ഉൽപ്പന്നങ്ങൾക്ക് നിലവാരമില്ലാത്തതിനാൽ ഫുഡ് സേഫ്റ്റി ആൻഡ് സ്റ്റാൻഡേർഡ്സ് അതോറിറ്റി ഓഫ് ഇന്ത്യ (FSSAI) നിരോധനം ഏർപ്പെടുത്തി. ആരോഗ്യ കുടുംബക്ഷേമ മന്ത്രാലയം പുറത്തിറക്കിയ പ്രസ്താവനയിലാണ് ഇക്കാര്യം അറിയിച്ചത്. എവറസ്റ്റ് ഫുഡ് പ്രോഡക്ട്സ് പ്രൈവറ്റ് ലിമിറ്റഡിന്റെയും, ലാൽജി ഗോധൂ ആൻഡ് കമ്പനിയുടെയും (എൽജി ബ്രാൻഡ് യൂണിറ്റ്) കായപ്പൊടിയാണ് വിപണിയിൽ നിന്ന് പിൻവലിക്കാൻ നിർദേശം നൽകിയിരിക്കുന്നത്. ഉപഭോക്താവിൽ നിന്നുള്ള പരാതിയെ തുടർന്നാണ് FSSAI യുടെ ഈ കർശന നടപടി.
എവറസ്റ്റിന്റെ കേന്ദ്രീകൃത ലൈസൻസുള്ള ഫാക്ടറിയിൽ നിന്നും മുംബൈയിലെ എൽജി ബ്രാൻഡ് യൂണിറ്റിൽ നിന്നും സാമ്പിളുകൾ ശേഖരിച്ച് പ്രാഥമിക ലബോറട്ടറി പരിശോധനയ്ക്ക് അയച്ചിരുന്നു. ഇത്തരത്തിൽ ശേഖരിച്ച കായപ്പൊടി സാമ്പിളുകളെല്ലാം ഗുണനിലവാരമില്ലാത്തതാണെന്ന് പരിശോധനയിൽ FSSAI കണ്ടെത്തി. ഇത് ഗുരുതരമായ വിഷയമായി കണക്കാക്കിയാണ് ഉൽപ്പന്നങ്ങൾക്ക് നിരോധനം ഏർപ്പെടുത്താൻ തീരുമാനിച്ചത്.
2011 ലെ ഫുഡ് സേഫ്റ്റി ആൻഡ് സ്റ്റാൻഡേർഡ്സ് നിയമപ്രകാരം അംഗീകൃത ഭക്ഷ്യ ഉൽപ്പന്നമാണ് കോമ്പൗണ്ടഡ് ഹിംഗ് അഥവാ കായപ്പൊടി. ഗം അറബിക്, സ്റ്റാർച്ച് എന്നിവയുമായി അസംസ്കൃത കായം ചേർത്താണ് ഇത് നിർമ്മിക്കുന്നത്. കുറഞ്ഞത് 5 ശതമാനം ആൽക്കഹോൾ ലയിക്കുന്ന സത്ത് കോമ്പൗണ്ടഡ് ഹിംഗിൽ അടങ്ങിയിരിക്കണമെന്ന് നിയമം അനുശാസിക്കുന്നു. എന്നാൽ FSSAI പരിശോധിച്ച സാമ്പിളുകളിൽ 0-3 ശതമാനം ആൽക്കഹോൾ ലയിക്കുന്ന സത്ത് മാത്രമേ അടങ്ങിയിരുന്നുള്ളൂ.
മുംബൈയിലെ എൽജി ബ്രാൻഡ് യൂണിറ്റിൽ നിന്നുള്ള ആറ് തരം അസംസ്കൃത കായവും പരിശോധനയ്ക്ക് അയച്ചിരുന്നു. അസംസ്കൃത കായത്തിൽ അനുവദനീയമായ പരമാവധി സ്റ്റാർച്ചിന്റെ അളവ് 1 ശതമാനമാണ്. എന്നാൽ ലബോറട്ടറി പരിശോധനകളിൽ ഈ ആറ് ഇനങ്ങളിലും സ്റ്റാർച്ചിന്റെ അളവ് 15 മുതൽ 32 ശതമാനം വരെയാണെന്ന് കണ്ടെത്തി. നിലവിൽ വിപണിയിലുള്ള നിലവാരമില്ലാത്ത കായപ്പൊടി ഉൽപ്പന്നങ്ങൾ നിരോധിക്കാനും പിൻവലിക്കാനും FSSAI ഇരുകമ്പനികളോടും കർശന നിർദേശം നൽകി.
എവറസ്റ്റിന്റെ കേന്ദ്രീകൃത ലൈസൻസുള്ള ഫാക്ടറിയിൽ നിന്നും മുംബൈയിലെ എൽജി ബ്രാൻഡ് യൂണിറ്റിൽ നിന്നും സാമ്പിളുകൾ ശേഖരിച്ച് പ്രാഥമിക ലബോറട്ടറി പരിശോധനയ്ക്ക് അയച്ചിരുന്നു. ഇത്തരത്തിൽ ശേഖരിച്ച കായപ്പൊടി സാമ്പിളുകളെല്ലാം ഗുണനിലവാരമില്ലാത്തതാണെന്ന് പരിശോധനയിൽ FSSAI കണ്ടെത്തി. ഇത് ഗുരുതരമായ വിഷയമായി കണക്കാക്കിയാണ് ഉൽപ്പന്നങ്ങൾക്ക് നിരോധനം ഏർപ്പെടുത്താൻ തീരുമാനിച്ചത്.
2011 ലെ ഫുഡ് സേഫ്റ്റി ആൻഡ് സ്റ്റാൻഡേർഡ്സ് നിയമപ്രകാരം അംഗീകൃത ഭക്ഷ്യ ഉൽപ്പന്നമാണ് കോമ്പൗണ്ടഡ് ഹിംഗ് അഥവാ കായപ്പൊടി. ഗം അറബിക്, സ്റ്റാർച്ച് എന്നിവയുമായി അസംസ്കൃത കായം ചേർത്താണ് ഇത് നിർമ്മിക്കുന്നത്. കുറഞ്ഞത് 5 ശതമാനം ആൽക്കഹോൾ ലയിക്കുന്ന സത്ത് കോമ്പൗണ്ടഡ് ഹിംഗിൽ അടങ്ങിയിരിക്കണമെന്ന് നിയമം അനുശാസിക്കുന്നു. എന്നാൽ FSSAI പരിശോധിച്ച സാമ്പിളുകളിൽ 0-3 ശതമാനം ആൽക്കഹോൾ ലയിക്കുന്ന സത്ത് മാത്രമേ അടങ്ങിയിരുന്നുള്ളൂ.
മുംബൈയിലെ എൽജി ബ്രാൻഡ് യൂണിറ്റിൽ നിന്നുള്ള ആറ് തരം അസംസ്കൃത കായവും പരിശോധനയ്ക്ക് അയച്ചിരുന്നു. അസംസ്കൃത കായത്തിൽ അനുവദനീയമായ പരമാവധി സ്റ്റാർച്ചിന്റെ അളവ് 1 ശതമാനമാണ്. എന്നാൽ ലബോറട്ടറി പരിശോധനകളിൽ ഈ ആറ് ഇനങ്ങളിലും സ്റ്റാർച്ചിന്റെ അളവ് 15 മുതൽ 32 ശതമാനം വരെയാണെന്ന് കണ്ടെത്തി. നിലവിൽ വിപണിയിലുള്ള നിലവാരമില്ലാത്ത കായപ്പൊടി ഉൽപ്പന്നങ്ങൾ നിരോധിക്കാനും പിൻവലിക്കാനും FSSAI ഇരുകമ്പനികളോടും കർശന നിർദേശം നൽകി.
Hashtags: #FSSAI #ProductRecall #FoodSafety #EverestSpices #LGBrand #AsafoetidaBan #ConsumerAlert #MalayalamNews #FoodAdulteration #India
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.