കണിയാപുരം: നിയമസഭാ തിരഞ്ഞെടുപ്പിന്റെ ഭാഗമായി സിഐടിയു തൊഴിലാളിയായ പിതാവ് സ്ഥാപിച്ച ബോർഡ് മകൻ നശിപ്പിച്ച സംഭവവുമായി ബന്ധപ്പെട്ട് അണ്ടൂർക്കോണത്ത് ഉണ്ടായ സംഘർഷത്തിൽ ഒരാൾക്ക് പരിക്കേറ്റു.
ചെമ്പാലയിൽ ചൊവ്വാഴ്ച രാത്രി 9 മണിയോടെയാണ് സംഭവം. ചെമ്പാല സ്വദേശിയും സിഐടിയു ചുമട്ടുതൊഴിലാളിയുമായ അഷ്റഫ് നെടുമങ്ങാട്ട് എൽഡിഎഫ് സ്ഥാനാർത്ഥി ജിആർ അനിലിനായി സ്ഥാപിച്ച ബോർഡ് മകൻ ആഷിഖ് നശിപ്പിച്ചതിനെക്കുറിച്ച് പാർട്ടി പ്രവർത്തകർ ചോദ്യം ചെയ്തു.
അദ്ദേഹത്തെ വെല്ലുവിളിച്ച് ആഷിഖ് തന്റെ സുഹൃത്തുക്കളും കുപ്രസിദ്ധ ഗുണ്ടാസംഘാംഗങ്ങളുമായ ഫൈസി, ഫഹദ് എന്നിവരെ വിളിച്ച് നാട്ടുകാരെയും പാർട്ടി പ്രവർത്തകരെയും ആക്രമിച്ചു. അണ്ടൂർക്കോണത്തെ പഞ്ചായത്ത് അംഗം ഷാജി അഹമ്മദിന് മർദ്ദനമേറ്റു. തടയാൻ ശ്രമിച്ച സിപിഐ എം പ്രവർത്തകൻ സജികുമാറിന്റെ കാലിന് പരിക്കേറ്റു.
പരിക്കേറ്റ സജികുമാറിനെയും ഷാജി അഹമ്മദിനെയും മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സംഭവത്തിൽ സംഘാംഗമായിരുന്ന ഫഹദിനെ പോലീസ് അറസ്റ്റ് ചെയ്തു. ആഷിഖ് നിരവധി കേസുകളിൽ പ്രതിയാണ്. ആഷിഖിനും സുഹൃത്ത് ഫൈസിക്കയ്ക്കുമായി തിരച്ചിൽ ഊർജിതമാക്കിയതായി മംഗലപുരം പോലീസ് ഉദ്യോഗസ്ഥർ പറഞ്ഞു.
Son destroys board erected by father, CITU activist; clash in Andurkonam, one injured.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.