മൊബൈൽ ഫോൺ ചാർജ് ചെയ്യുന്നതിനിടെ ഷോർട്ട് സർക്യൂട്ട് മൂലം മുറിക്ക് തീപിടിച്ചു. കാസർഗോഡ് ഭഗവതി നഗറിലെ ചിത്ര കുമാരിയുടെ ഓട് മേഞ്ഞ വീട്ടിലെ കിടപ്പുമുറി കത്തിനശിച്ചു. തീ പടരുന്നത് കണ്ടയുടൻ വീട്ടുകാർ ഫയർഫോഴ്സിനെ വിവരമറിയിച്ചു. ഉടൻ തന്നെ സീനിയർ ഫയർ ആൻഡ് റെസ്ക്യൂ ഓഫീസർ വി.എൻ. വേണുഗോപാലിന്റെ നേതൃത്വത്തിലുള്ള ഫയർഫോഴ്സ് സംഘം സ്ഥലത്തെത്തി തീ അണച്ചു.
മുറിയുടെ അലമാര, മേശ, കിടക്ക, മറ്റ് സാധനങ്ങൾ, സീലിംഗ് എന്നിവ പൂർണ്ണമായും കത്തിനശിച്ചു. തീ മറ്റ് ഭാഗങ്ങളിലേക്ക് പടരാത്തതിനാൽ വലിയ നഷ്ടം ഒഴിവായി. ചിത്ര കുമാരിയും ചെറുമകനും മാത്രമാണ് വീട്ടിൽ താമസിച്ചിരുന്നത്. തീപിടുത്തത്തിൽ 50,000 രൂപയുടെ നഷ്ടം സംഭവിച്ചതായി കുടുംബം പറഞ്ഞു. അഗ്നിശമന സേനയിൽ ഇ. പ്രസീദ്, ജെ.എ. അഭയ് സെൻ, ജെ.ബി. ജിജോ, എ. രാജേന്ദ്രൻ എന്നിവർ ഉൾപ്പെടുന്നു.
Fire breaks out while charging mobile phone
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.