തളിപ്പറമ്പ്: ആശുപത്രിയിൽ 'പ്രണയ' വിവാദം. ഡോക്ടറുമായുള്ള രോഗിയുടെ പ്രണയം ആശുപത്രിയെ പോലും പ്രതിസന്ധിയിലാക്കിയിരിക്കുന്നു. തളിപ്പറമ്പിലെ ഒരു ആശുപത്രിയിലാണ് സംഭവം. ഡോക്ടറെ കാണാൻ വന്ന ഒരു യുവതി ഡോക്ടറുമായി പ്രണയത്തിലായിരുന്നു. പരിശോധനയുടെ ഭാഗമായി യുവതി ഡോക്ടറുടെ പെരുമാറ്റം തെറ്റിദ്ധരിച്ചു. അടുത്തതായി ഡോക്ടർ എത്തിയപ്പോൾ യുവതി ഡോക്ടർക്ക് ഒരു പ്രണയലേഖനം നൽകി.
ഡ്യൂട്ടിയിലുണ്ടായിരുന്ന മറ്റുള്ളവരെ പ്രണയലേഖനം കാണിച്ചു. പ്രണയബന്ധം മൂലം വലഞ്ഞ യുവതി ആഴ്ചയിൽ രണ്ടുതവണ പതിവായി ഡോക്ടറെ കാണാൻ വരാൻ തുടങ്ങി. എന്നാൽ, പ്രണയബന്ധം ഏശുന്നില്ലെന്നു വന്നതോടെ, ഡോക്ടർ തന്നോട് മോശമായി പെരുമാറിയെന്ന് ആരോപിച്ച് യുവതി പോലീസിൽ പരാതി നൽകി. പരാതി അന്വേഷിച്ച പോലീസിന് ഡോക്ടർ പ്രണയലേഖനം കൈമാറി. പോലീസ് യുവതിയെ വിളിച്ച് ഉപദേശിക്കുകയും ബന്ധുക്കളെ വിളിച്ച് സംഭവത്തെക്കുറിച്ച് പറയുകയും ചെയ്തു.
ഇതോടെ, പോലീസിനെതിരെ യുവതിയും പരാതി നൽകി. ചില രാഷ്ട്രീയ പാർട്ടി നേതാക്കളെ നേരിട്ട് വിളിച്ച് പരാതിപ്പെട്ടു. പോലീസ് എല്ലാവരെയും കാര്യങ്ങൾ ബോധ്യപ്പെടുത്തിയെങ്കിലും, യുവതി തന്റെ തീരുമാനത്തിൽ നിന്ന് പിന്മാറാൻ തയ്യാറായില്ല.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.