പ്രൊഡ്യൂസേഴ്സ് അസോസിയേഷൻ തിരഞ്ഞെടുപ്പിൽ നാമനിർദ്ദേശം തള്ളിയതിനെതിരെ നിർമാതാവ് സാന്ദ്ര തോമസിന്റെ ഹർജി തള്ളി. എറണാകുളം സബ് കോടതി ഹർജി തള്ളി. മൂന്ന് ഹർജികളും തള്ളി.
ബൈലോ പ്രകാരമാണ് കേസ് മുന്നോട്ട് പോയത്. ഉന്നയിച്ച ആരോപണങ്ങൾ തെറ്റാണെന്ന് തെളിഞ്ഞതായി നിർമ്മാതാവ് ജി. സുരേഷ് കുമാർ പ്രതികരിച്ചു. കോടതി വിധിയിൽ തനിക്ക് വേദനയും നിരാശയും ഉണ്ടെന്ന് സാന്ദ്ര തോമസ് പറഞ്ഞു. കോടതി വിധിയെ അവർ ബഹുമാനിക്കുന്നു. വിധി ഒരു തിരിച്ചടിയായി കാണുന്നില്ലെന്നും പോരാട്ടം തുടരുമെന്നും സാന്ദ്ര തോമസ് പറഞ്ഞു. ഫിലിം ചേംബറിൽ മത്സരിക്കുമെന്ന് അവർ പറഞ്ഞു. ജനറൽ സെക്രട്ടറി, വൈസ് പ്രസിഡന്റ് സ്ഥാനങ്ങളിലേക്ക് മത്സരിക്കും.
പത്രിക തള്ളിയതിനു എതിരായി നൽകിയ ഹർജിയിൽ അല്ല വിധി വന്നത്. ബൈ ലോയിൽ ഇല്ലാത്ത ഭരണണാധികാരിയുടെ നിയമനം, തിരഞ്ഞെടുപ്പ് കോടതിയുടെ മേൽനോട്ടത്തിൽ നടത്തണം, പ്രസിഡന്റ് സ്ഥാനത്തേക്കുള്ള തിരഞ്ഞെടുപ്പ് നിർത്തി വെക്കണം എന്നീ മൂന്ന് ഹർജികളാണ് തള്ളിയതെന്നും സാന്ദ്ര പ്രതികരിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.